سألنى وعينيه حزينه (ليه..)! ؟
بصيتله وعينيا تايهه وبصه مافيش فيها اى حنيه ولسه هجاوبه واقوله لكن حاجه واقفتنى والكلام داب على شفايفى ولقتنى بقوله مش عارفه صدقنى .....
اقوله ليه ؟ وماهما قولتله هيفهمنى ويقدر،و حتى لو فهم هيعذر ؟
طيب ياقلبى بلاش هو أنت فهمت ؟صدقت عقلى وأقتنعت ؟
فى يوم و ليله مابقأش حبيبك ؟وانه أتغير وبقى كمان قاسى ..وانك ماتعرفوش وعرفت وحبيت أنسان تانى ..صدقت ياقلبى ؟
طيب لو صدقت أزاى انا أصدق؟! ولو انا صدقت ازاى أقدر انطقها وما دوبش الكلمه على شفايفى قبل ما أقولها .....
ظالمته ياقلبى وجيت عليه ؟ ولا ظلمت نفسك وجيت عليها ..ماشى فى سكه مش عارف أخرتها أيه؟ وانا وراك والوجع بيزيد ,ومين ياقلبى راح يصدقك ولا حتى يحس بيك ولو انت جارح النهارده مين بكره يشفعلك وانت مجروح.؟
صدقت ياقلبى خلاص مالناش مكان غير قلبه ؟
لكن مافيش فايده فيك طول عمرك عنيد ومعذبنى معاك ..وانا وأنت اهو ياقلبى ونشوف سكتك أخرتها أيه؟