I
ايه شعورك لما طفلك يتقتل بين ايديك لما تلقي الخيانة في كل مكان حواليك
ايه شعورك لما تكون مظلوم نفسك تصرخ وصوت الحق جواك مكتوم
ايه شعورك وانت شايف وجودك بيتشطب ارضك وعرضك بنتك بيغتصب
ايه شعورك وانت شايف ام بتبكي بتقول خدوك من حضني يا عمري يا كبدي
ايه شعورك والمصنع اللي بنيته بايديك طوبة طوبة منه بتدمر قدام عينيك
ايه شعورك لو تعرف ان الحامي هوالحرامي والغريب جاي يقول بالكدب انا الحامي
ايه شعورك لما تدافع عن ارضك بدمك ويقولوا لك ارهابي انت ضد بلدك
انتفاضة ورا انتفاضة وراهم مظاهرة وهي دي بذرة النصرة ومنها تخرج الزهرة
حتي اسمائكم يا شهدا ع الحق بتنادي
كان الدرة وهو درة البراءة
وكانت إيمان وهي إيمان بالحق
وكانت وفاء وهي وفاء للتراب والوطن
وكانت آيات الأخرس...آية من آيات العدل لكن مش عدل أخرس...
لا ده عدل نطق وصرخ وقال:
ياعرب قوموا.. ياعرب قوموا.. ياعرب قوموا
وخدوا بتار الدم المسفوح
وكل قطرة دم تروي ارضنا تخرج بيها شجرة مجاهدين
تطرح ابطال مستنيين من بينهم صلاح الدين ع الحق بنادي وهافضل انادي نادو معايا وقولوا فين حقنا فين ارضنا
ومهما ان تآمر عليكي الخونة يا أرضنا العربية
هاتفضلي انتي القوية الابية
انتي الحق اللي مش هايضيع مهما طال الزمن ومهما طال العذاب DONDON