للحياة سوط... لابد وأن تترك به آثارا علي ظهورنا
إنه سوط الألم...فلا تكون الحياةُ حياةً إلا إذا تجرعنا منها الألم.
وأحيانا من شدة هذا الألم ..تجد أنه من المؤلم أن تصف هذا الألم أو تتحدث عنه.
إنه سوط الألم...فلا تكون الحياةُ حياةً إلا إذا تجرعنا منها الألم.
وأحيانا من شدة هذا الألم ..تجد أنه من المؤلم أن تصف هذا الألم أو تتحدث عنه.
دندن
posted by lockash أحمد تمام @ 11:38 AM
13 Comments:
اه ثم اه من لوعة الفراق وشدة الالم ولونظرنا لوجدنا ايضا الم في اللقاء من كثرة العتاب فالحياة دائما الم فالسعاده الم لانك تتذكر اوقات الحزن والفراق والحزن كذلك الم نعمل ايه بقي هي الحياة كده تجبها كده تجلها كده هي كده ولا احنا اللي نكد وبنموت في الحزن والغم ودايما نقول نكدي يا نكدي بدل يا سعدي يا هنائي والله الظاهر ان العيب فينا وبنظلم الحياة معانا
هو من حيث احنا نكد ده شيء مفروغ منه.بنموت فيه زي عنينا.بس كلامك يا آيه صح.وقت السعاده بنفتكر الألم و الحزن بنفتكر الحزن برضه.ربنا ياخد بأيدك يا بنتي و شيلك من هنا.. قصدي من النكد..
طب شوف بقي يا والدي اه ما هو طالما انا بنتك تبقي انت والدي ماعلينابقي عايز ربنا ياخد بايدي ويشلني من هنا بقي عايز تطردني من هنا طب انت ممكن تستغني عني طب وباقي اللي في البلوجر برضه مستغنين عني طب انا هاشهدهم عليك ولا انت زي الدنيا
leya sadeeka 3aziza esmaha Sarah bet2oul
أصبح وهما... ألما ... وليس أملا ... أن تكون إنسانا
أصبح قبحا في زمن الحرب ... أن ترسم أقواس قزح
وحماقة أن تحمل في زمن المدفع
ريشة وألوانا
I like your way of writing awi:)
منقدرش نستغني عن اجمل وارق بنوته انا قبلتهاولا انت يأحمد بس بجد ليه الانسان ممكن ميحسش انه حزين وعنده جرح الا بعد مده طويله ويمكن الصدمه بتخلي الانسان مش قادر يستوعب ما هو فيه
" رجاءخاص جدا ارحمونا نكد وحزن وفراق مش هيكون الدنيا والحياه والبلوجر كمان"
الرحمه حلوه
الطائر الحزين
انا معاكم اتفق ان الحزن مؤلم وممكن يكون مدمر ده للي بيبص لنص الكوباية الفاضي
اما بقي نص الكوباية المليان اننا لو معرفناش طعم الالم عمرنا ما هنعرف معنى السعادة.لان عمرنا ما نعرف السخن الا لما نلمس البارد
عمرنا ما نعرف الليل الا لو كان في نهار
moon light lover
عاشقة ضوء القمر
عايز أقول ان الكبايه عندي فاضيه مافيهاش أصلا نص مليان. بس بيتجيلي حالات سعاده كتير والله.و يا آية أنا بهزر دانت في الحته الجوانيه.. البلوجر مالوش طعم و لا ريحه و لا لون و لا سلطه ولا مخلل كمان.. و كفايه حب الناس ليكي يعني.
كلامك مظبوط يا ضي القمر.. و جاسور ماتعرفني علي ساره دي تكسب ثواب..هيهي..
العيب في الحياه و فينا و الجو ال حر والساقعه.. وفي ناس الكبايه الفاضيه بتتملي مع الوقت و فيه بتكون مشروخه كل ماتتملي تفضي تاني.. مالاقيش عنكوا أمير واللا لزق بيلزك الإزاز؟
يايويو كل واحد فينا عنده كوباية سليمة وبايده بيحافظ عليها وبايده بيكسرها وهو ده الفرق
moon light lover
عاشقة ضوء القمر
للدرجة دي يا جماعة السطرين الصغيرين دول فتحوا كل الحوارات دي ياااااه
ولا اقول ان الالم الكلمة الصغيرة دي هي اللي فتحت كل دا عندكوا
!!!!!!!!!!!!!!!!!
كان نفسي اعلق علي كلام كل واحد منكم لان كلكم كاتبين فعلا كلام يتحكي فيه كتير لكن اعذروني بجد مش عارفة ليه مش قادرة فعلا اتكلم
هنشوف موضوع مش عارفه تتكلمي ده ليه..المهم عندنا الحاله دي ماطولشي و هنسيبك تحكيلنا كانت ليه.
اشكرك يانادر علي اهتمامك
بس عارف ممكن تكون عارف انت كدا ليه بس يمكن مش عارف تخرج نفسك من الحالة دي
كان الواحد مقيد مش عارفة
بس اللي عارفاه اني جوايا كلام كتييييييير
واه وتعب وحزن وفرح وضحك وطاقة وحاجات كتير
يارب اعرف بقي انظم كل ده يمكن ارتاااح
Post a Comment
<< Home