القلب تاه بين الدروب
وتعب من كتر الهموم
يا قلب واجه كفياك هروب
اختار و واجه من غير ما تلوم
جاوب لسه بتحبه وبتشقله
ولا خلاص مابقاش جوا القلب مكان له
بلاش تهدى وكل مره تعدى
وتقول اهى مره وهاتفوت
مستنى ايه؟؟لم يتوه هو كمان
وبكره لما يشوفك صدفه فى اى مكان
يقول عنك انا فاكر انى شفته مره زمان
هترضى وقتها وتواجه
ويمكن تلومه وتعاتبه ..وترجع بلا فايده
تبكى على اللى فاتك
ولا اقولك ما انا عارفاك
وقتها هتجرى وتهرب لاخر البلاد
زى ما تعودت تفوت فى كل وقت ادان"rony"
posted by lockash أحمد تمام @ 4:50 AM
2 Comments:
الانهزام... الطناش.و التفريط حتي في المشاعر و الاحباب..
مافيش فايده الكلمتين اللي ممكن تضيع ناس و مشاعر ممكن تكتمل.الاحساس بعدم الرضا والشك في قدرات العقل والمشاعر.توقع النتيجه من طرف تاني حتي قبل ماينطرح السؤال..حتي لو كان واضح منه بإجابتي اللي توقعتها اكيد مش تطلع زي ماتوقعت هيكون فيها حاجه ممكن تغير ممكن تثبت ممكن وممكن بس امتي نقول السؤال.. وليه نسبق بالإجابة..
ساعات الاجابه بتسبق السؤال؟؟
بس الاساس ان السؤال الاول وزى ما قلنا قبل كدا السؤال ذكر والأجابه أنثى ...يبقى الترتيب السؤال ثم الأجابه
Post a Comment
<< Home