معرفش ازاي محستش اني بحبك....ازاي محستش من نظرة عنيا....محستش من لمسة ايديا
مع ذلك صبرت
وبعد كل ده جاي تقولي بحبها.....وعايزني كمان اقولها
فكرت ان دموعي من فرحي بإنك لقيت حبك
ما حسيتش ان دي كانت دموع علي حبك
هاسعدك واقولها لكن...صدقني مش دي اللي هاتحبها ولا تسعدك
بكرة هاترجع تاني ليا....تبكي دموع عنيك
لكن
ياتري ساعتها هاتكون حسيت؟؟
وياتري ساعتها هاقدر اكون ليك؟؟
سؤال ياريت اعرف اسأله قبل ما يفوت الاوان
مع ذلك صبرت
وبعد كل ده جاي تقولي بحبها.....وعايزني كمان اقولها
فكرت ان دموعي من فرحي بإنك لقيت حبك
ما حسيتش ان دي كانت دموع علي حبك
هاسعدك واقولها لكن...صدقني مش دي اللي هاتحبها ولا تسعدك
بكرة هاترجع تاني ليا....تبكي دموع عنيك
لكن
ياتري ساعتها هاتكون حسيت؟؟
وياتري ساعتها هاقدر اكون ليك؟؟
سؤال ياريت اعرف اسأله قبل ما يفوت الاوان
دندن
posted by lockash أحمد تمام @ 11:40 AM
19 Comments:
ليه نحكم عليه ان دي مش اللي هيحبها.. ولا هتسعده.. مادام ماحسش بينا و لا فهمنا بعد محاولات..و بكرر بعد محاولات..يبقي مايستهلشي.و ماينفعشي نرجعله حتي لو فقدها و مش لاقي غيرنا.مش نضعف.ندعيله بالخير مادام حبناه معانا أو مش معانا.حتي لو من ورا قلبنا.
هي الرجاله كده أمال أنا مقاطعاهم ليه.. هاها.. أنا مع كلام الواد اللذيذ أحمد مانحكمشي عشان أنانيتنا أنه مش هيعرف يحبها أو تحبه أو مش هيسعدوا بعض. لو بنحب بجد و حاولنا معاه كتير و ماشفشي حبنا ده و مقدروش نعصر علي نفسنا لمونه و نروح نباركله عليها كمان.واسمعوا أغنية عبدالوهاب في فيلم غزل البنات. ضحيت هنايا فداه.
بصي يا دندن ممكن يبقي كلامك صح وان دى مش هتسعده لو انتى فعلا عارفة الشخصيتين كويس وعارفة انهم مينفعوش لبعض يعنى مثلا بنت استايل اوى وواحد من ايام نهارك سعيد ومجرد انه انبهر بيها
بس ساعتها يبقي ذوقك وحش اوى ههههههههههههههه
وممكن يبقي الكلام ده طالع من مجرد اعطاء نفسك ثقة في نفسك وانك فعلا الى كنتى هتسعديه
ثم ان ده انسان معندوش احساس ومبيفهمش دمعة الفرح من الحزن زى اللى يدخل عزا ويقول عقبال عندكم ويدخل فرح يقول منجلكوش في حاجة وحشة
معلش انا اصلى بتعصب من عديمي الاحساس دول
moon light lover
عاشقة ضوء القمر
كون انك تحبى دى حاجه جميله,لكن الحب من طرف واحد ميصحش نسميه حب اصلا.ولازم تعرفى انه حتى لو عرف حبك ليه دلوقتى برضه مش هيحبك لكن هيحب حبك والفرق كبير.والحبيب بجد لازم يفرح لحبيبه فى كل الظروف,حتى مع حبيب غيره.اما اذا رجعلك بعد كده,فنصيحتى ان استطعت مسامحته وتقبله,فسوف تجدى حب لا مثيل له,بشرط التاكد من صدق حبه وليس مداواه لجراحه,فسوف يعرف الفرق بين من تحبه بجد ومن يكتشف زيفها.مع احترامى لرايك يا لوكش.
سوليد
ياسلاااااااااام ايه دا كله لا لا لا انا ماقدرش علي كده
ايه الحوارات الهايلة دي كلها
والله مش قصدي اهزر بس عجبني اوي ان كل فيكم شاف الكلام بشكل مختلف
بس مش عارفة اكتر كلام عليق معايا كان تعليق سوليد
فعلا ياسوليد حاسة ان كلامك هو الاقرب لما في عقلي
ويا ضي القمر
يمكن صح تكون قالت كده عشان هي عارفة الشخصيتين وانهم مش يركبوا مع بعض
اما كونها حبته وهو مش عنده احساس اقولك ان احيانا تحبي حد ومع عيوبه الحب بيكون اقوي من كل شيء
لكن يمكن مع الوقت تفوق وتعرف ان ده وهم مش حب زي سوليد ماقال
شكرا يا دندن على مجاملتك الرقيقه,واتمنى اكون ساعدتك فعلا برايى المتواضع.
سوليد
و بعدين ياجماعه الكلام عام مش علي شخص الكاتب. وإلا هنخلي دندن تحب كل يوم واحد حسب الموضوع اللي كاتبه ليه الموضوع.وانا قلت لو هو عارف بالحب ده و حاولتي أكتر من مره و رفض يسمع و يحس يبقي مايستهلشي..و تسيبيه مع حبيبة القلب الست هانم التانيه ..تشبع بيه ان شالله يدوسهم أتوبيس سياحه فاخر..
اللي مايقدرشي دموع واحده عشانه و هو عارف بده. يبقي مايملاش عينه غير التراب زي مابيقولوا. حتي لو رجع كرامة الواحده اللي خلت نفسها تحت ايده و هو اللي سابها لتانيه..مايستهلشي.الحب بيخلي الواحد والواحده ضعاف. بس مش علي حساب كرامتها و اهانتها.الصراحه جميله بين الأتنين و كان لازم يصارحها بدل ماهي قاعده تصوت عليه كده..هاهاها.. من غير زعل ..
لتوضيح الفكره انا بخاطب الكاتب بصفه موضوعيه وليس بصفه شخصيه مطلقا,كما ان طريقه دندن الرائعه فى السرد القت بنا لداخل كهف الحبيب لنرى المحبوب من عينى حبيبه من اعلى نقطه يمكن اى يرى منها الانسان الاخر.
وكمان انا ملاحظ ان فى حاجه مهمه دندن قاتلتها والاغلبيه مخدوش بالهم منها وهى ملخصها ان اللى ايده فى الميه مش زى اللى ايده فى النار.
يعنى لازم راينا نبديه بطريقه غير مجرده بل تحتوى كل تداخلات القصه التى نحكم عليها,فالحبيب يمكنه للاسف ان يتنازل عن الكثير والكثير من اجل محبوبه دون ان يدرى.
سوليد
ايه ياعم سوليد الكلام الكبير ده هو بجد كبير لدرجة انى تقريبا مش فاهمة ههههههههههههههههه
على كل على راى كل الناس اللي هنا كلام جميل كلام معقول مقدرشي اقول حاجة عنه
moon light lover
عاشقة ضوء القمر
وعلي رايك يا دندن يخرب بيته !هو ايه ! الحب اللي مغلبنا معه...وبرده علي رايك لو كان الحب رجل لقتلته....بس هانعمل ايه علي راي الست ام كلثوم ...نتعب نزعل نشتكي منه لكن بنحب
سوليد واضح انك جامد قوي. يعني كلامك و كده. بس برافو اننا جالنا سوليد يا جماعه هدينا فكر مختلف واضح من اسلوبه.. منورنا يا أبو سوليد
علي رأي أبو حميد.. مرحبايا أبو سوليد.و عجبني قوي اسلوبك.. بس ياعم خليك حنين شوية معانا ناس مش بتفهم بسرعه و أولهم أنا..
دندن.. ماعدوش دم والله. اسمعيها مني من غير زعل. فيه ناس كده لازم تتعور وتجيب دم عشان يحس. ويعرف قيمة الحاجه اللي في ايده.
يا نادر ممكن بعد ما يحس يرجع زى ما كان تانى وميحسش لان الجرح بيوجع في الاول وبعد كده بيهدا لكن لو ده حصل يبقي غبى لانه لايستفيد من تجاربه
عاشقة ضوء القمر
ومازال سوليد هو المتربع علي قمة من وصلوا للفكرة في عقلي
لوكاش اشكرك علي المداخلة للتوضيح
وجاسمين علي فكرة لما كتبتها كان البطل في تصوري انه فعلا حقيقي مش فاهم ان دموعها دي عليه لكن ما كانش يعرف انها بتحبه وعامل مش واخد باله وهوضح لكم ازاي
............
ممكن افضل احبك واحبك واحبك
بس انت مش واخد بيالك من ده علي عينك نضارة سودا
ليها كذا اسم مثل
التعود:يعني بشوفك كل يوم عمري ما اتخيل انك تحبيني
الاخوةاو الصداقة:انتي طول عمرك اختي او صديقتي لكن ما حاولتش اشوفك حبيبتي
حد فهم حاجة
؟؟؟؟؟؟؟؟؟؟؟؟؟؟؟؟
الاخ نادر في عندي كورسات بعد الظهر لو عايز حاجة كده لتقوية الفهم للي بتقول عنهم
سوليد كلامي ليك مش مجاملة خالص لان فعلا كلامك حلو وتعبيراتك عميقة
فكر كده واكتب معانا
فاكر ياسوليد اول مرة شوفتك وانت قريت حاجة انا كاتباها وانت سألتني عن معني كلمة
وقلت ساعتها اصل في العربي مش اوي
امال ياراجل الكلام الحلو اللي انت كاتبه دا ايه بس
دا انت جامد اوي
بس يمكن كلامك دا نابع عن احساس حقيقي؟؟او انك عشت خبرات من دي؟؟
اااااااااه ي آية لما كتبتي الكلمتين دول افتكرت بالضبط ساعة ما كنا ماشيين وقلناه فعلا وافتكرت كمان كل كلامنا ساعتها اللي خلانا نقول كده
ياتري فاكراه؟؟اكيد اه
طبعا كلكوا هاتموتوا وتعرفوا قلنا ايه؟؟؟؟؟؟؟؟؟؟؟؟؟؟
ههههههههههههههههههههههههه
شكرا مليون مره,لكل من قدم ذره,شكر ليه واجر,على من الكلمات ما اجر.
شكر خاص للرجاله على كلامهم المعبر
وارق التحيات لاختى العاشقه
ولابد ان اقدم شكر خاص لدندن وبقوللك انتظرى قريبا منى مشاركه فعاله,بس انتى مكبره من شانى زياده عن اللزوم.
سوليد
Post a Comment
<< Home