قلنا مادام اليومين دوول أعياد نحتفل في مكان واحد و نوزع الجاتوه و الحاجه الساقعه واللي يحب يعيد بعيد الأم يعيد.. واللي يحب يعيد علي " آية" اللي عيد ميلادها النهاردها يعيد..و اللي عايز يعيد علي نفسه يعيد و اللي فرحان بالدنيا والربيع عاد من تاني و الفجر هلت أنواره..و كل سنة وانتم طيبين..

في يوم جديد.. في يوم سعيد.. ده عيد ميلادك أحلي عيد.. البدر انكسف من جمالها و قال يا حسنها..أقوم أنا و هي تقعد مطرحي..الورد فتح .. في عيد ميلادك..و الكون بيفرح في عيد ميلادك..(بس.بس)

حبيبتي الجميلة اية
كل عام وانتي بخير وكل عام وانتي الخير كله
في اليوم ده ماعرفتش اكتب لك ايه لكن فكرت اني علي موقعنا الحبيب اسجل كلمات انا وانتي عارفينها ويكون مكانها هنا كما لو كنا بننقشها علي حجر وتفضل ان شاء الله ذكري حلوة بيننا
اكتب لك من اغنية علي طول تغنيها وبتحبيها
طول عمري بخاف م الحب وسيرة الحب وظلم الحب لكل اصحابه
وقابلتك انت لقيتك بتغير كل حياتي
يارب دايما يرزقك الخير وبالشخص اللي تلاقي معه الحب فعلا
يارب نفضل دايما فاكرين كلامنا الجميل ..ذكرياتنا الحلوة..سندوتشات من عند صافو..وشاورمة سمر...وحاووشي الشبراوي
مشوار مكتبة مبارك نمشيه سوا
اجمل ايام مدرسة عباس العقاد
شغل في الكلية لحد بالليل
حاجات كتير لو نسيت اكتب منها حاجة بس اكيد انا وانتي برضه فاكرينها
وفي النهاية جملتك المشهورة
ماعادتش فارقة سينا من سونيا
ربنا يسعد كل ايامك..دندن