ياما في زمنا قلوب رسماها أعمارنا.. زي النجوم حواديت علي ظل شباكنا
الصعب راح واللا.. الحب ده أحلي.. لو وقفت الساعات صوتي أكيد أعلي..
و صوتك أكيد أعلي.. دندن صوتها و صوتنا جوانا و برانا أعلي..
الفرح لو قضي..من غيرك يا دندن مش هرضي.
وميلادك أفضي علينا فرح و عقل و قلم يكتب و يقول.
حبناكي بعقولنا وقلوبنا و يا بخت اللي شافك بعيون..
أكيد أمه داعياله.وقالتله:
روح يابني يارب أشوفك زي دندن كده..
عقبال العريس... بس بس..
posted by lockash أحمد تمام @ 2:22 AM
21 Comments:
لولولولوللييي.. كل سنة وانت طيبة و عقبال العريس يا بت.. يختي بقت كبييره و عروسه.. بقي عندك 20 سنة ياختي عليها..
و لسه عايز الفيروز..بقوا اتنين كده.
كل سنة واحلى دندن طيبة ومن قلبي قريبة
وبعدين ياحمد ايه الكروتة دى عريس ايه بالراحة شوية وبعدين التزوير عيب ياحمد دى سنها مش عشرين بقي 15 واخدة بالك يا دندن
وربنا يجعلك السنين اللى جاية احلى من اللى فاتو ويملاهم طاعة وقرب من الله اكتر واكتر
moon light lover
عاشقة ضوء القمر
برقيه صغيره هكتبها
ورسمه شفاه انا هرسمها
لاختى دندن اقدمها
واقولها وبكل سرور
يارب كده معانا على طول
ونفرح بيكى والعمر يطول
ونغنى وتدق الطبول
فرحه فى عين اى عزول
ويا سعده يا هناه اللى دندن هتبقى معاه
هتبقى امه راضيه عليه وبالخير دايما دعياله
معلش انا ملحقتش اكتب حاجه تليق بدندن بس سمحينا المره دى باه وكل سنه ودندنتنا طيبه وعقبال 16 سنه واخده بالك
سوليد
غير انه عيد ميلاد دندن و ده جميل في حد ذاته بس الجميل كمان كلام محمد منير اللي انت خاطفه و كاتبه لدندن.. طبعا انا عارفه انك تقصد تجيب الكلام الحلو ده من الأغنيه الأجمل و دندن تستاهل.. عقبال 100 سنة يا جميل
لادينا خلاص وصلت سن الرشد بيقولوا قال ايه عقلت 21سنه يعني العقل والرشد
الي تؤم روحي ...تؤم النفس ..يوم ميلادك فرحت عنيا ...وغنت الطيور ..اتهز الكون يوم ميلادك لمعت النجوم ورقصت علي دقات قلبك ...يااغلي ما في الكون ..اغلي من الجواهر ...عطائك مثل البحر لا ينتهي ...احبك كلمه صغيره عن التعبير عن شعوري نحوك
مسن كدب عليكوا وقال 21 سنه عقل و رشد.. لسه بدري علي كده ده سن التهيييس..
سنه راحت بكل ما فيها وسنه جت انت احلي مافيها ....كل عام وانت بخير
كل سنه واختي الجميله وهي جميله طيبه وعقبال العريس ويارب تبدئي صفحه جديده من النهارده وخلي فيها احلي الامنيات وحنا علينا ندعيلك تحققي كل الي تتمنيه
كل عام وانتي في طاعة الله
الطائر الحزين
كنت نفسي اجل الكلام ده ليومها بس مش عايزة حد يسبقني
كنت عايزة بمناسبة الايام الجميلة دى اللى كلها مناسبات اقول لسوليد كل سنة وانت طيب وان شاء الله السنة الجاية تكون حققت ما يرضيك من احلامك
والسنين الجاية تكون اجمل من اللى فاتت
وربنا يجعلك على الوجه الذى يرضيه عنك
moon light lover
عاشقة ضوء القمر
1.4.2007
متأخرة سوري يا قمر.. كل سنة وانت بألف خير و سعادة
كل سنة وانت طيبه ياجميل
امنية اسوان
اسمحولى اقول هنا شكرا لاختى العاشقه وانتى دايما سباقه يا عاشقه
سوليد
حبايبي يا كل من دخلوا وقالوا كلمة حلوة هنا
بجد مش عارفة اقول لكم ايه؟؟
ولا اعتذر ازاي عن اني ما رديتش طول الفترة دي..رغم اني قريت الكلام ولكل واحد منكم عندي رد
لكن اعذروني بجد
الكمبيوتر عمل عمايله
وكمان كانت حالتي غريبة كده
مش عارفة ...فرحانة اوي..و برضه تايهة
مش عارفة بس ان شاء الله اكتب لكم وتتكلموا معي في حالتي دي
وعامة اسمحولي ارد حتي لو متأخر عن كل الكلام
يمكن مش هابدأ بالترتيب لكن هذا لا يعني اني بقدم اهمية حد علي التاني لا ابدا والله
كل سنة وانت طيب يا سوليد يارب تكون سنة جديدة كلها طاعة بإذن الله
متأخرة بس معلش اختك الكبيرة يظهر عجزت وخرفت
هههههه
اشكرك جدا علي كلامك الجميل زيك
ومكسوفة من نفسي اني في عيد ميلادك ما قدرتش اقول حاجة
............................
العاشقة شكرا طبعا انك عرفتينا بعيد ميلاد الاخ سوليد
بس يعني كانت ناقصة غرامة وخلاص وهديه واللي يطلب يشرب فيروز؟؟
كلامك اكيد جميل يا حبيبتي وانا عارفة انك متغاظة من لوكاش عشان سبقك
بس عشان اريحكم وتبطلوا خناق مين سبق التاني
ااتقالت لي اصلا من حد قبل الكل
حد لعبها صح وقالها اول الشهر عشان يضمن سبق الجميع
ههههههههههههههههههههه
حبيبة القلب اية
كلامك برضه زي كل مرة جميل اوي
كرواانك بيزورني بس مش في البيت..لأ وانا في التمرين بقيت اسمعه واسيب الكابت وابص الصوت جاي منين يمكن اشوف الكروان واقوله ارجع لها انت واحشها اوي بس مش بلاقيه
عقبالك كده لما افرح فيكي وانتي في سن التهييس قصدي سن الرشد
لوكاش باشا اهلا بك ياخويا
مش كفاية الاسبرايت كمان فيروز تاني
وبعدين هما 21 ليه النصب بقي ولا انت بتصغرني ليه؟؟
شفت البت ضي قال بتقول خلي العريس لسه شوية
طيب اعمل فيها ايه؟؟
ماشي يا ضي حسابنا بينا وبين بعض عشان الدم والطرطشة
واحنا لسة ماسحين هنا
اهلا ومرحبا بالجميلة السمراء امنية
موني ياحبي اد ايه كانت مفاجأة حلوة ليا اني ادخل الاقيكي هنا يااااه
واحب ارحب بيكي صديقة لنا هنا ودي بجد يا جماعة انسانة رااااائعة
موني...اوعي تنسي اتفاقنا ان شاء الله
يمكن الحال يعجبني واجي شهر العسل عندك
جاسممين والطائر
ربنا يخليكوا ليا ويخلينا كلنا لبعض ونفضل نفتكر بعض بالخير لاخر العمر
ربنا يكرمكم يارب
يويو ولا يهمك يا ستي المهم عندي انها اتقالت لان الاهم الاحساس الحلو جوه القلب
صح ولا ايه؟؟؟
شكرا يادندن وانا مقدر ظروفك وهحاول اجمعلك عشان نجيبلك كمبيوتر مبيعملش عمايله وان كان ده مش هيعفيكى من العزومه
سوليد
Post a Comment
<< Home