الي مجهول
من انت.من انت حتى تستهين بمشاعرى وتجرح قلبي.من انت؟؟؟؟ انى لا اعرف من انت لذا فاعلم من انا. انا العاشقة انا اميرة الحب في مملكة العشق المطلة على نهر الحنين وبحور الاشواق وجزيرة العشاق .اتعرف من انا ؟ انا من ينطق قلبي بلسان الحب في كل دقاته .قد لا املك جمالا كثيرا لكنى املك قلبا لا تملك انت مثله فهو جوهرتى وماستى المليئة بترياق مداو لجروح البشرارايت من انا ؟ ورايت من انت؟؟؟؟ فاذهب دون عودة. اذهب دون وداع .اذهب دون دموع .اذهب للابدلا اريدك لقلبي حبيبا
من انت.من انت حتى تستهين بمشاعرى وتجرح قلبي.من انت؟؟؟؟ انى لا اعرف من انت لذا فاعلم من انا. انا العاشقة انا اميرة الحب في مملكة العشق المطلة على نهر الحنين وبحور الاشواق وجزيرة العشاق .اتعرف من انا ؟ انا من ينطق قلبي بلسان الحب في كل دقاته .قد لا املك جمالا كثيرا لكنى املك قلبا لا تملك انت مثله فهو جوهرتى وماستى المليئة بترياق مداو لجروح البشرارايت من انا ؟ ورايت من انت؟؟؟؟ فاذهب دون عودة. اذهب دون وداع .اذهب دون دموع .اذهب للابدلا اريدك لقلبي حبيبا
MOON LIGHT LOVERعاشقة ضوء القمر
posted by lockash أحمد تمام @ 2:05 PM
23 Comments:
يا سلام يا سلام ايه الجمال ده بس وبالراحه علينا شويه صحيح انا قريت الخاطره دى من اسبوعين تقريبا لكن الرد انا وعدتك يكون هنا
بجد مليانه احساس ومشاعر بس للاسف حزينه قوليلى بس مين ده اللى عمل كده وانا اخدلك حقك منه غير ان قلبك فعلا هو جوهرتك
القلب هو شريان الحياه لاى انسان
ويكفى انى اقوللك انك حيه يا عاشقه
حيه بقلبك
حبه باللى بيحبوكى
حيه على الاقل عشان الحياه حلوه
سوليد
ما تقولش حاجه خلاص كفايه اللي قولته كان كفايه هي دي نهايتك معايا كان هواي من البداية كتير عليك
أنا كنت مأجل موضوع ضي القمر علي مالمناسبات الحلوة تمشي.. و سوليد باشا كل سنة وانت طيب و عقبال 3000 سنة كده..
كلامك حلو يا ضي ومليان غل. مش قصدي انك غلاله لأ بتكلمي عن واحده شبعت ألم و جرح من واحد مايستهلشي مع انها مليانه حب و حنان و طيبة يعيشوا معاها20 واحد يحبوهابيه. واحدهفيها مشاعر مستنيه للي يستاهل ياخدها و يعيش اسعد أيامه. سمت نفسها أميرةو ملكه يمكن هو مش شايفهاكده و غيره مش شايفها كده.بس اللي هيعرف اللي جواها ده يتكونعندهأحليو أغلي من أي أميرة و أي ملكه.
كل سنه وانت طيب يا سوليد انت وسراج وسوزي وعقبال مليون سنه في سعاده وهناء ورضا ربنا
فعلا ياحمد هو ده قصدى بالظبط ان مجدش يشوف الا اللى يعرف ايه اللى جوة
وياسوليد اللى بيزعلو في الحياة كتير مش مقصود حبيب وبس لا ده كفاية الاصدقاء والمعارف وغيرهم كتير
على فكرة ياية انا بحب اصالة بس تعجبنى اكتر تحدى
moon light lover
عاشقة ضوء القمر
شكرا جدا ليك يا لوكش وانتى يا اي وان شاء الله السنه الجايه نكون كلنا مع بعض ونكون فى احسن حال
سوليد
سوري علي التأخير بس خارج نطاق التأقلم. حلوه دي.. ايه يا عاشقه انت دخلتي سباق التحدي. يا جماعه كده الجميلات و يضاف سوليد كمان عامليت تيم جامد قوي. كلامك فيه تحدي و كبرياء البنت اللي مش عايزة تنجرح او تبين ده. جواها حاجات كبيرة بس هي أكبر منها.بس بجد بجد.. بحيكي
يمكن مش شايفين اللي يستاهلو قلبنا بس ممكن يكونوا جوانا واحنا مش عايزين نشوفهم او لسه ماجاش وقتهم. بس تعرفي يا عاضقه.. الكلام فيه كبرياء و سنة تعالي. بس ده عشان البنت انضربت علي قلبها. البنت بتبقي بسكوته في ايد حبيبها بتنسي كبريائها و نفسها و بتعيش حياتها معاه مادام بيبادلها الحب ده بس لما يسبها او تشوف منه الخيانه و الفراق بيبان المستخبي و الوش التاني زي مابنقول. بتبقي صعبه قوي عليها و كمان عليه بالعكس.
انا جاى اعلق تانى على الموضوع ده لانه بجد كل كلماته تجنن انا حاولت اخرج جمله عجبتنى مقدرتش لانه كله بجد تحفه ياعاشقه
ومعلومه للى ميعرفش العاشقه احسن واحده تقلب الوش التانى لما تحس بالغدر عشان كده اسلوبها ده مش جديد وانما هو تعبير حقيقى عن شخصيتها فى الموقف ده
ربنا يكفينا شر قلبتك يا حجه
قولو امين
سوليد
يويو الكلام ده فعلا مقصود بيه كبرياء وفعلا يا جاسمين مقصود منه سنة التعالى دى مش لانه طبع لكن لانه جرحها فلازم ترد عليه ادامه وتحس ولو حتى بينها وبينه انها رجعت لنفسها اللى هو ضيعه من كرامة وغزة نفس وكبرياء
وميرسي يا سوليد على رايك فيا بجد تحفة ودى حقيقة فيا شوية بس مش اوفر يعنى
انا بقي اللى يتقال فيه اتقي شر الحليم....... moon light lover
عاشقة ضوء القمر
ضي...اسفة عشان اتأخرت
ولو اني برضه كنت اول واحدة تقرأها
وكمان فكرنا في عنوانها مع بعض
بس تصدقي جالي سؤال
ليه قلتي الي مجهول رغم ان الجارح قدامك وانتي اهو بتوجهي له الكلام؟؟
كنت لسة هاكتب معاكي يا يويو في رأيك وجت جاسمين بالقاضية وقالت كلام حسسني انه فعلا قال حاجة جوايا ما كنتش عارفة اقولها
وهي ان البنت في ايد حبيبها بتنسي كل تعالي وكبرياء بتبقي بسكوتة ولو بتحب بجد اوي حتي انها تتقل عليه مش بتعرف تعمل ده
وممكن بسبب شدة تعبيرها عن حبها وانها علي طول سايحة وبتدلدق كلام علي راي واحدة صاحبتي
ممكن بسبب ده تلقي من حبيبها؟؟؟
مش هاقول جفا ولا الم
حبه اه موجود وحب حلوووو اوي
بس ساعات سوء التعبير؟؟
لكن صح يوم ما تحس اتتلعب بيها بتبقي شرسة فعلا جاسمين
الا قلبي
كلامك حلو فعلا ياضي وكفاية ان له ذكري حلوة بيني وبينك فاكرة ساعة اما جه الوحي بيه؟؟
سؤال غريب شويه
هو الكلام هنا عجبكم ولا لأ؟
السؤال كان لاني جيت ولقيت ان كلام سوليد وكلام ضي كان لسه مالحقش يتنشر فترة اطول
لازم نشوف الحكاية دي
اولا حمدا لله على السلامة يا جميل بعد طول غياب نورتينا
وهى اسمها الى مجهول لانى بكلم واحد معرفش هويته ايه انا اميرة حب طيب انت مين؟ انت واحد استهان بمشاعر يبقي انت عندك قلب ولا حجر؟ وهكذا الخلاصة انت ايه ؟؟؟؟؟
عاشقة ضوء القمر
اما بقي سؤالك التانى فانا مقدرش اجاوب عنه واسيب الرد فيه لغيري
عاشقة ضوء القمر
انا معاكى يا عاشقه فى السؤال التانى بتاع دندن ان الرد لغيرنا مش لينا
اما السؤال الاول فانا شايف انه معروف مش مجهول تحبى تعرفيه
هو الذى استهان بقلب الحبيب
هو من كان الحب عنده عيب
هو ذاك الذى قال وما الغريب
فى جفائى فطالما منك انا قريب
فما طلبك منى الا بالامر المريب
اتمنى يوصلك قصدى اقصد انه لا يعنى الحب بمعناه الذى نقصده انما الحب عنده عقلا وليس قلبا كما انه يحسبها بماديه بحته بعيدا عن المشاعر التى يعتبرها مثل هذا للضعفاء فقط وليست لامثاله.ولذا فما اسهل استغناءه عن الحبيب
سوليد
أولا بعلن اسفي و قلة تقديري في التسرع لعرض موضوع سوليد و تأخر عرض موضوع ضي القمر.بس غصب عني لظروف ضغط وانشغال غير مقصود.ضي القمر الدليل تعليقات الناس هنا انهم حتي مانسيوش موضوعك ومكملين رغم نزول موضوع سوليد واللي هيكتبوا فيه بالتأكيد. بس بجدسماح النوبه.و مستني الباقي منك.
مادام معانا يبقي كلامنا متفق عليه. بس فيه حاجه تانيه الراجل يعمل ايه ازا كان العكس حصل معاه.. مافكرناش في دي.؟؟
ضي أنا كمان غلبت فيكوا ناس تقولي الموضوع لما يفضل كام يوم بنحس بملل و ناس تقولي مالحقناش.هو انا عارف اني لخبط في المواعيد و سوري بقي.
رد الناس هنا محيرني بس الأكيد ان البتاع الوحش ده الحب بيخلي الناس مع بعضها حاجه تانيه غير ما هما بيكونوا عليه في اي وقت تاني و كمان البتاع الوحش ده اللي اسمه الخيانه و الفراق والجروح بتكون شخصية تانية عن اي شخصية الواحد يحب يكون عليها و ربنا مايوريكوا.بس جاسمين دخلت وانا بكتب و قالت سؤال حبيت اسأله انا كمان لو الكلام ده حصل مع ولد هيكون تصرفه ازاي؟
يابنى متشيلش نفسك الهم انت لسه صغير
وكمان مين اللى زعلان ضى مش زعلانه وانا متاكد من كده يمكن الموضوع الاخير ده زعلها بس معلش عشان كان فى زحمه واعياد ميلاد كلنا مقدرين حالتك لكن فى الاوضاع العاديه يومين او تلاته بالكتير لاى موضوع اظن انها كافيه اوى فى صفحه الجميلات وده عشان المواضيع اللى عاوزه تتنشر كتيره جدا وربنا يكون فى عونك
وغير كل ده انا عن نفسى مثلا بدخل مش على اخر موضوع بس لا انا بشوف اللى قبليه واللى قبليه كمان وبقرا كل التعليقات ولو انا مكنتش علقت على اى منهم بعلق ومش انا بس متهيالى الاغلبيه هنا كده عشان كده ماظنش ان فى مشكله
وعموما اكبر دليل على كلامى ان احنا لغايه دلوقتى لسه بنكتب هنا مع ان موضوعى اتنيل نزل ومحدتش لسه عبرنى
انا بقى اللى زعلان منكم
وووووووووووووووووووواء
سوليد
عادى يالوكش حصل خير وده كان سؤال دندن فانا مجاوبتش عنه
وتقريبا ردى على السؤال بتاع ان لو ولد هو اللى في الموقف ده فتقريبا يعنى ان سؤال زى ده ولد هو اللى يجاوب عليه لان انا بنت اقدر اعرف تعمل ايه البنت وانت كولد تعرف يعمل ايه الولد
بس متهيالي ان البنت لما تتجرح بتبقي جرحها اعمق من جرح الولد لان البنت حساسة اكتر والبنت كمان كرامتها بتنقح عليها اكتر من الولد
ومش معنى كلامى ان الولد معندوش كرامة لكن بيبقي اقل حساسية من البنت في النقطة دى وكمان اللى عودنا على كده ان المجتمع الشرقي بيبص نفس النظرة دى ان اى حاجة تجرح البنت على الاقل في اسمها انما الولد لاااااااااااا
عاشقة ضوء القمر
ياسوليد ماتزعلش احنا لسا معلقناش عندك علشان بنفكر ولا نكتب اى كلام ؟؟؟؟؟؟؟
عاشقة ضوء القمر
احب كمان اقول لجاسمين شطورة انك جبتى بداية موضوع سوليد الجديد
وعايزة اعرف راى اللى هنا كلهم بنات وولاد في سؤال جاسمين لانه فعلا سؤال مهم وممكن ييجى في الامتحان(معلش القافية (حبكت
عاشقة ضوء القمر
ميرسي يا عاشقه. و بعدين عايزاكي تخشي المنافسه المسابقهبتاعت أحمد دي خلتني امخمخ شويه في التعليق.. وسؤالي انت رديتي عليه الي حد ما الولد كرامته و كده بس يمكن البنت أكتر و ممكن حالات معينه بتلاقي البنت هي اللي معندهاش دم والولد هو اللي بيتبهدل وراها.
Post a Comment
<< Home