نظرا للتدفق الهائل والمزري للجميلات و الشباب الأجمل.. قررت إدارة المهرجان..اقصد إدارة جميلة بتفضفض..اللي هو أنا واعوذ بالله من قولة أنا..اننا نعمل صفحة جديدة للشباب المذكر السالم. منعا للإختلاط و ممكن حد يبقي لوحده و مع جميلة و الشيطان ثالثهما واحنا عارفين ان الشيطان شاطر و خنفسة شافت ولادها علي الحيط والبيت بيت أبونا والغرب يطردونا..عشان كده بقول اقتراح للشباب و البنات كمان تحبوا نسمي الصفحه المذكر السالم دي ايه هسيبهالكم. قولولي رأيكم عشان سوليد و أحمد سيكو..و أنا ..و يمكن غيرنا حبوا يكتبوا معانا يبقي جميلة و المولود الجديد.. و شكرا للرعاة الرسميين" يمامة شاردة". فودافون ماتفوتشي لحظة..
posted by lockash أحمد تمام @ 11:32 PM
46 Comments:
احييك ياحمد على فكرة مصلى الرجال والنساء اللى انت ناوى تعمله على البلوجر ده ههههههههههههه
هى فكرة حلوة بس بلاش حكاية صفحة ولاد وصفحة بنات كاسماء يعنى ولا بقي مفيش واحد يعتب هنا والا هنكسرو زى عربيات المترو عنى
وبعدين اى واحد يبقي جاى يبقي يتنحنح عشان الجميلات يقومو يلبسو الحجاب ههههههههههههههه
اغيب اغيب وارجع مخرفة
بكرة مرافعات ادعولنا الله يخليكو
عاشقة ضوء القمر
تغيب تغيب وترجع بكلام اغرب من نظريات عمنا اينشتين
بعد ان اطلعناعلى اوراق القضيه وما قدم من طلبات وبعد سماع اقوال بعض الشهود
قررنا نحن رفض الطلب المقدم من حضراتكم وذلك للاسباب الاتيه
1-البلورج ميبقاش بلوجر من غير عدد كبير ومتهيالى اننا كنا مستنيين انه يكبر كده واكتر من زمان
2- هاتلى واحد مذكر سالم من اللى بتقول عليهم دول اصلا بييجى الا عشان يعلق كل سنه مره ويفك ,لكن الجميلات هم اللى فاضييين بقى يعدو يسئلو فى بعض وممكن سبحان الله عندهم قدره غريبه انهم بدل ميعلقو يكتبو مواضيع كرد على الموضوع المنشور لما يلاقو العمليه نامت يعنى
دى ميزه بجد والله لتحسبونى بتتريق وتزعلو يا جميلات
3- كل واحد مذكر سالم من اللى حضرتك بتقول عليهم دول جه هنا عن طريق واحده او جمع مؤنث سالم فى الغالب يعنى رخمه لما نسيبهم كده وناخدلنا صفحه لوحدينا وكمان انا متهيالى انهم بيخافو يعدو لوحديهم
4-اما عن حكايه الشيطان ده فعندى اقتراح جامد ممكن نحط كاميرات ايه رايكم واحده فوق الباب وواحده ايوه....ايوه ...هناك عند الركن الهادىء ده
وبالمناسبه بقى انا عاوز اقدم اقتراح نركب تكييف لحسن الواحد خلااااص
بس لو اتطردنا هناخده معانا اه مهو احنا مبنسيبش مالنا لحد
5- اما عن المواضيع اللى احنا عاوزين ننشرها مش هيبقى ليها طعم والله من غير الجميلات اللى اتعودنا على تعليقاتهم الجامده وكمان كلها اسبوعين ونرجع ان شاء الله نخلى كل موضوع تلات ايام بس
6-انا معيش فلوس العزل انت معاك الحق قللنا كده ممكن نفكر
اما عن الخنفسه فعندك اجدعها شبشب ومترحمش
وعن فودافون بتاعتك دى اتصالات نزلت من زمان يامان ولا انت مش هنا
*ياريت بقى لو هنتطرد يوصللنا انذار قبلها باسبوع على الاقل عشان نلحق نلم كراكيبنا والتكييف والكاميرات كمان متنسهاش يا لوكش الله يخليك
*ومن الاخر بقى انا مش همشى من هنا ولو عاوزين تفصلو يبقى هم اللى يمشو انا قاعد هنا بوضع اليد واللى معاه عقد ملكيه يورينى نفسه
لالالا اكيد هم مش هيسيبولنا جميله ويمشو
احنا فى انتظار باقى الاراء عشان نشوف الاغلبيه هنتطرد ولا لا
صوتو على 0 000 000
واكسبو صفحه باعضائها
احد اعضاء دائره جميله بتفضفض
سوليد (المطرود _الممتحن_المهيس)
3-
يارب معاكم يارب ومعانا كلنا
رب ادخلني مدخل صدق واخرجني ماخرج صدق
ام بخصوص الاقتراح مش معني صفحه كمان ان كل واحد هايعلق في مكان ويسيب التاني وبعدين البلوجر اساسا كان تالت صفحات ولا انتوا نسين روني وبعدين الصفحه دي لان كل اللي بيعلق بيكتب ومعني دا انا الواحد لو استني انه يتنشر ليه موضوع يبقي يدينا ويديكم العمر لان انا ودندن عند لوكش رصيد لينا يكفي لسنه قدم من غير ما نكتب وبعدين في تلاته جدد كمان عايزين يكتبوا فمحتاجين الصفحه دي ومش شرط تبقي بنات بس او ولاد بس المهم انه يكون في مساعد لجميله والمهم اكتر ان احنا نعلق في التلاته ونتابعهم مش الكل في جميله وسايبين يمامه محدش بيعلق المهم الحماس في التلاته ام بخصوص الاسم فدا نفكر فيه شويه
والله ياعاشقة حلوة مصلي دي
بس انتي طبعا سمعتي التعليق الاجمد من ناس تانيين..!!!!هههههههه
ياجماعة فكرة انها صفحة دي عشان حاجة
ان شاء الله مع انتهاء الامتحانات عدد الناس اللي بتنشر ان شاء الله هايزيد ودي معلومة يمكن مش الكل يعرفها
يبقي مع كتر العدد اللي ممكن يوصل لسبعة او تمانية هاتلاقي ان عقبال ما ننشر موضوع لفلان عقبال ما الدور يجي عليه تاني يكون مات اساسا
عشان كده الفكرة جاية ان الصفحة هاتكون ملحقة بيمامة زيها زي جميلة في نفس مجموعة الاعضاء
يعني اللي هايدخل هايمر هنا وهنا
بس الفكرة ان معدل النشر هايكون اسرع شوية عشان صاحب الموضوع ما يموتش من الانتظار ويستني مثلا اسبوعين تلاتة عقبال موضوعه الجديد ما ينزل ولان دي بتكون مشكلة للناس اللي بتكتب وعندها مخزون كبير وعايزة تنشر
حد فهم حاجة من الرغي ده؟؟
لوكاش علي فكرة وصلني من سيكو اقتراحين باسمين وهما
قلوب حائرة وشمس لا تغيب
انا بقترح مثلا
عاشق الحب
وممكن افكر تاني برضه
انا كده موافق بس انا هنشر هنا لانى مليش حمل على المشى الكتير لغايه البلوجر اللى جنبنا والكلام ده
لانى على ما اروح اصلا هيكون الغسيل قصدى الموضوع نشف خصوصا لو سميتوها شمس لاتغيب
ومتهيالى قلوب حائره مممممممم اسم ظريف
احنا مستنيين اقتراحات تانيه
سوليد المغسول
يادندن سمعت الاجمد بس ده مراعاة للمكان بس وخلى التانى في سرك احسن هههههههههههه
ممكن نخلى الصفحة احى يا شهريار هههههههههههههه
وفي الاخر نموت اللى كتب الموضوع
عاشقة ضوء القمر
الفكرة جميله و صح زي مادندن قالت وآية.. سوليد لما كتب و كده و عاشقه كمان كتبت و العدد بيزيد و ده جميل و محتاجين فعلا لصفحه.. و بعدين هي جميله واللا يمامة ليهم طعم من غيرنا يا جميلات..
الأسم ده بقي علي مزاج.. لما اعملي كباية شاي كده
يا جماعه .. هو فيه ايه.. انا اكتب عن فكرة الناس تعمل كده..
الموضوع كله زي ما آية و دندن قالوا. الرجاله بعد الامتحانات هيكتروا و عندي مواضيع مؤقتا من سوليد و سيكو و شخص آخر مش فاكر مين.. بالادافه اني ممكن كمان ارجع اكتب زي زمان في ه زي ماكنت بكتب في جميله حاجات خصوصي. و كمان لأن يمامة ششارده بتموت اليومين دول والناس حالقالها جامد..فشكلي هبيع حتتين الأرض و اسافر علي بحري..
بخصوص الأسم انا بقول مش عايز يكون جب و عشق و حاجات مندي عازين حاجه اسم مطلق لأن مش كل اللي موجود هيبقي حب و عهيام و مني و فوزي.. زي امامة و جميله كده..
مصلية رجاله ايه و ستات ايه انا بصلي مع الرجالة و الستات و ماعندناش تفرقه البنت زي الولد و احنا متفقين ان الجميلات هما اللي عاملين حس و شعبية للسيت.و بعدين هو السيت ده واللا ده ليه طعم ولا ريحه ولا لون من غير الناتين الحلوين..هنا و هناك موجودين مع بعض مافيش حاجه تفرقنا عن بعض.. هفضل احبك حتي بعد ماموت. بيبي.. ماتسبنيش..بيبي حلوة بيبي دي نفسي اقابل واحده تقولي يا بيبي .. او بوبو حتي.. مستني رددكم و اسم الصفحه الجديده..و اللي مش عاجبه هنعمله لجنة تقصي حقائق تتصرف معاه.وشكرا فاصل ونعود..
الاسماء:1-لوبطلنا نحلم ..نموت
2-شقاوة شباب
3-كلام في كلام
4-فضفض من قلبك
بيبى يارايق انا نفسى اقابل حد يقلى اذاكر ايه عشان اتزنقت
واءواءواء
سوليد
لو بطلنا نكتب ...نتوه
واد ياسوليد قوم فز ذاكر يالا
وانت ياست عاشقة قاعدة ليه قومي يابت خلصي
معلش ياجماعة اصل عندهم كتاب
التعلب فات..في قانون المرافعات
لوكاش..اكيد وانت صغير مامتك كانت بتقولك يابيبي..دا انت البكري ياواد
ان شاء الله اما تلاقي بنت الحلال وتتجوزوا في ليلة الفرح هاقولها علي حكاية بيبي وبوبو وكل اسامي الدلع
ممكن نسمي الصفحة
نظرة في الافق
او
حياتنا
او
هو..هي..والحياة
يعني وممكن نحاول نجمع اسم مخلط
ايه رايكم في اسم
عبير الكلمات او عطر الكلمات او عطر الزهور زي ماتحبوا
(-:
انا هصلى الفجر وانام بس العين تنام والقلب عمره ما جاله نوم عارفين ليه؟؟
اهئ اهئ عشان عندى امتحان مرافعات
ادعوووووووووووولنا
وبعدين بيبي ايه ياحمد؟
واحد في سنك يتقاله بيبي ؟امال احنا يتقالنا ايه؟ يا حجة؟ ولا بلاش احنا سمية الخشاب ياحمد واخد بالك يتقالها ايه؟
عاشقة ضوء القمر
هههههههههههههههههههه
حلوه صفحه للشباب المذكر السالم دي
اممممممممممممممممم
طب اقترح ايه بقي
تسميها ايه يا جميله
تسميها ايه
اممممممممممممممممممم
سميها احمد علي اسم جده
ههههههههههههههههههههههه
لاء لاء
شويه جد بقي
سميها
شباب آخر زمن
كركركركركركركر
أو
شباب دوت نت
أو
هنا الشباب
مش عارف بقي
تحياتي
يا جماعه انتوا فين من يمامه الموضوعات بتنزل ومحدش بيعلق ليه احنا بلوجر كامل مش صفحه واحده ولا انتوا تايهين ومش عارفين السكه
http://www.blogger.com/profile/08213417383114520342
ياريت تدعو لنا عند نا امتحان بكره لمادة ابتكار وكالعاده الاسم مش علي مسم الماده ليس لها اي علاقه بالابتكار قولوا معانا يارب
اللهم ان نسالك فهم النبين وحفظ المرسلين والهام الملائكه المقربين برحمتك يا ارحم الراحمين اللهم احل العقده من لساني يفقهوا قوالي بسم الله الفتاح اللهم لا سهل الا ما جعلته سهلا يا ارحم الرحمين
اه ممكن نسمي الصفحه الممتحنين المدهولين او المبتكرين اي حاجه وخلاص المهم المولود يشرف بقي ونحتفل بالسبوع بتاعه معلش يا جماعه دا اثر الابتكار
انا بقول نخليه قريب من جميله بتفضفض يبقي"كلام شباب" هو و بس"
كلمني شكرا
هيهيهي
لالالا انا بس حبيت اقول لكم اني نزلت ردود في موضوعي بتاع الصورة ردا علي كلام سيكو بان الحبيب الخاين طالب الرجوع
مستنية اشوف كلامكم
وحد يبلغ لوكاش اني زعلانة منه
حد يبلغ لوكش اني زعلانه منه.. يا لهوي يا خرابي..ليه بس انا عملتلك حاجه. دانا طيب و غلبان و بيقولوا عليا ساذج كمان و بيضحك عليا..وبعدين يقولولي ليه اللي زعلان من حد يا جماعه يقوله في وشه و ممكن يزود "طظ فيك" طبعا عارفه "طظ فيك" دي مش محتاجه قواله..ماقدرشي علي زعلك يا دندن ولا زعل اي حد من الناس الحلوين اللي معاينا
عندي اسم تحفه " اللي مايتسمي " ايه رأيكم؟؟ او " سي السيد"
انا جمعت الأسامي اللي الناس قالت عليها عشان نصوت علي اسم واحد.و يا ريت يكون اسم غير معتاد او تقليدي عشان نكون متميزين.فاهميني طبعا اقصد ايه.والأسم اللي هياخد اكتر هنسمي الصفحه بيه.
شمس لا تغيب- كلام شباب- عطر الكلمات- حياتنا- هو..وبس- لو بطلنا نكتب نتوه- اللي مايتسمي- شباب آخر زمن- شقاوة شباب- مذكر سالم- احكي يا شهريار- سي السيد.
دول تقريبا معظمهم نختار بقي و الناس تخلص امتحانات عشان زهنا منهم وننتظر المولود الجديد و الهدايا من دلوقتي.
طيب ياحمد بس اعرف عايزين اسم الصفحة روش كده ولا رومانسي؟؟ لان الاسماء مش في اتجاه واحد
يعنى لو روش يبقي شقاوة شباب ولو رومانسي يبقي عطر الكلمات مع ان كل الاسامى حلوة ماعدا شهريار ده لانى كنت بهزر وانا مخرفة بس مش اكتر يعنى بس اللى عايزه ياخده بس انا مش عايزاه
عاشقة ضوء القمر
كنت بقول للوكاش ان اسم سيد السيد حلو
معلش ياجماعة دا له علاقي بمعتقداتي الشخصية
ولو اننا لو اخترنا الاسم دا يبقي اخواننا مذكر سالم هايركبوا ويدلدلوا رجليهم كمان
انا رايى نسمى الصفحه
(روبى وبس)
هههههههههه
ايه رايك يا عاشقه
سوليد
كده الاصوات مشتته...
انا موافقة علي سي السيد و بقول ان مذكر سالم ماشيه كمان
لو بطلنا نكتب نتوه\ مذكر سالم..
و مع لوكش في ان الاسامي ماتكونشي معتاده و جديده يا ريت..منورين..و علي فكرة انا خلصت ا م ت ح ا ن ا ت..
هههههههههههييييييههه
الف مبروووووووووك يا يويو
عقبالنا يارب
كدة مكنش العشم يالوكاش انك تقول على السر الي بنا وكمان يجيلك قلب تعمل الصفحة الجديدة بالاسم الى انا كتباه تحت اول موضوع يتنشر ليا
مااااااااااشى
بس خليك فاكر ان الشمس ممكن تكون
حارقة حالمة ساطعة مشرقة من اقترب منها اتلسع من قسوتها وصراحتهاومن بعد عنها استفاد من شعاهها ودفئها
فى المقابل ليا طلب!!!!!!
انشر اول موضوع اخر يوم اكتحانات ليا
وممكن اتنازل عن اسمى وعموما في اقترحات اسماء حلوة بس انا مليش مزاج اكتب حاليا
شمس لا تغيب من حياتك ابدا
خبر عاجل
ارسل رئيس يعثتنا ببرقيه تهنئه الى الاخت يويو بعد ان نالت حريتها واستقلالها بعد احتلال دام اكثر من تسعه اشهر
ومن جهه اخرى
نجحت فرقتنا فى الوصول لحل سلمى بعد ان قررت قوات الاحتلات بكليتنا الانسحاب من حياتنا مؤقتا فى التاسع عشر من يونيه الحالى وذلك لمده لا تتجاوز الثلاثه اشهر
فى حين رفض العميد الموقر لقوات الاحتلال الطلب المقدم من مندوبنا باستقبال معونات ماديه من الكليات الشقيقه وصرح فى حديث له بقبول المعونات المعنويه فقط
لذا نطلب من ممثلى الكليات الشقيقه المختلفه فى هذا البلوجر وخاصه من نالت استقلالها(واخده بالك يايويو)
ان تمدنا بالمدد المعنوى والمتمثل فى الدعاء للخروج باقل الخسائر الممكنه
انتهى البيان
سوليد اللى عنده غزوه بكره
يا جماعه العاشقه الجهاز بتاعها بعافيه شويه عشان كده مش عارفه تيجى تعيطلكم شويه
وانا بالنيابه عنها احب انى اقوم بالدور ده
بما اننا فى الهوا سواااااا
ادعووووووووولنا
(سوليد(تقريبا
بالنيابة عنها يا سوليد ولا بالمحكمة عنها
عموما كله مؤنث مش فارقة
عموما ياضى اكيد انتى عارفة انا مين وسوليد قريب هيعرف البيان التالى
شمس لاتغيب من حياتك ابدا
انتظرونى
وخصوصا
عاشقة
دندن
اية
لوكاش
لمــــــــــــبادا
وعاشقة اللمبادا
جاسمن
سوليد
ســــــــــــيكو
و
و
و ممكن اى اضافة تانى
شمس لاتغيب من حياتك ابدات.......
اهلا شمس وحشانى اوى يا قمر.بس مبسوطة انك معانا هنا وان شاء الله تبقي معانا على طول ومتبقيش من بتوع زيارتين وبس
ادعولنا ياجماعة عشان امتحانا بكرة ان شاء الله
كويس ياسوليد انك كتبت بدالى لان النت كان عيان شوية ولسا قايم بالسلامة الحمد لله
عاشقة ضوء القمر
سئمت منك يا حب فكم انك متعب
فى قرب الحبيب وفى بعده تعذب
فى صفاه وفى جفاه تأنب
الا اجد لك وضع يسعد
ولكن لى سؤال سأنقل
والقيه على سمع من يشهد
اينام الحبيب وحبيبه يتالم؟
ويسعد فى نومه ويستسلم
فقدت الرد فطلبته عند متعلم
ذاق كاس الحب فما انا بذائقه
فمن وجد الرد رجاء يبلغه
واضح انى جالى زهيمر خلاص وبقيت انسى اكتب اسمى
بس اكيد انا معروف يعنى
(ده( انا
يووووووووووه
انا مين بس
(س و ل ي د)
احم احم
تيك تيك تيك
السلام عليكم
دستور يا خوانا
مفيش حد هنا ولا ايه
حد يرد علياااااااااا
طب انت يا عم لوكش نزل موضوع جديد وانجز
يوووووووه
انا ماشى
س و ل ي د
واضح ان لوكش نسي ينزل موضوع
انا كل شوية اجى مالقيش حاجة ولا تعليق ولا كده اروح ماشية
وبعدين نزل اى حاجة بقي احسن زهقنا
عاشقة ضوء القمر
انا برضه مستغربة عدم نزول موضوع رغم ان المفروض من كام يوم كان ينزل اول موضوع للعزيزة شمس لاتغيب
ايه يابني مالك في ايه؟؟
في ايه يا جماعه عمالين تقولوا ملل ومواضيع جديده واحمد موضوعه نزل بقاله يومين ومحدش علق عنده يبقي العيب فيكم مش فيه انتوا بدورا في جميله بس ومش بتشفوا الباقي
ايوة على الناس الماجزة دى
امتحانا بكرة يا جماعة ان شاء الله مش هوصيكم على الدعوات
عاشقة ضوء القمر
Post a Comment
<< Home