نظرا للحالة الغريبة التي عمت جميلة بتفضفض..وجدت استكمالها لتتحمل باقي الأحاسيس والمشاعر المدفونه داخلنا..و ارجو ان تنتهي علي خير.دون توابع مزرية..lockash
غصب عني بحبك
مش بايدي حبك رغم جرحك لي بحبك
رغم غدرك بي بحبك
غصب عني
مش عارفه اقول ايه
دا غباء مني ولاغباء عيني
مكانش لي ولا كنت ليه
اعمل ايه غصب عني
ارحمني يا قلبي
كفايه وقولي اخرة دا كله ايه
اوعي تقولي دا غصب عني
آية مدحت.....
مش بايدي حبك رغم جرحك لي بحبك
رغم غدرك بي بحبك
غصب عني
مش عارفه اقول ايه
دا غباء مني ولاغباء عيني
مكانش لي ولا كنت ليه
اعمل ايه غصب عني
ارحمني يا قلبي
كفايه وقولي اخرة دا كله ايه
اوعي تقولي دا غصب عني
آية مدحت.....
posted by lockash أحمد تمام @ 1:17 AM
15 Comments:
علي فكره وللامانه المهنيه والعلميه في جملتين من الموضوع ماخذوين من اغنيه لمصطفي كامل اتاثرت بيها وانا باكتب لاني كنت بسمعها
شوفتي مسكتك..الواد حماده لوكش ده عيبه انه زكي.. بس مصطلح "غصب" ده حلو كده تحس فيه بال.... بالغباء.؟ يمكن.مغلوب علي أمرك ما باليد حيله.وده مريت بيه لقت معين بس خرجت منه بسرعه و عرفت كويس مدي الغباء اللي كنت فيه او الضعف.الانسان المسلوب الأرادة بيقع في أخطاء كتير مابيحسش بيها اللا بعد ماتجيب عليه المصايب والمشاكل والعقد والأزمات.مابيبقاش شايف حاجات حلوة و ناس عايزين يساعدوه.مابيعرفشي ياخد قرارات يتعامل صح مع الناس بينعزل او بيعزل نفسه من غير مايعرف.ممكن يكون الحب بيعمي العين او بيسيطر علي الواحد بس مايغيبشي عقله ولا يضيع كرامته او يخنق نفسه و الناس.
لحظة عمي.عيبها انها تطول و غبائها انها تطول اكتر من اللازم.بنلغي فيها عقلنا و ارادتناوبننسي اننا في النهاية المظلومين.واللي بينضيع نفسينا بأدينا.عقلنا مش لازم يتلغي في اي وقت لأن لو ده حصل أكيد هيخرب حاجات تانيه هنندم عليها.عقلنا لازم يدخل في الوقت المناسب.بدل مانخسر كتير.
أنا بتأسف يا جماعه علي غيبتي الكبيرة و عارف ان الناس زهقت مني بس علي رأي آية "غصب عني". الشغل و كنت مسافر اسكندرية الفترة اللي فاتت و ماكنتش عارف اهرش مش اخش علي البلوجر بس.. بس كنت متابع من فترة للتانيه و اتخضيت من الموضوع صاحب ال45 تعليق الخرافه.مبروك ياجماعه.و كل اللي سألو و اللي ماسألوش انتم وحشتوني و بجد حسيت ان حاجه ناقصاني.
الحالة المزرية اللي لوكش بيقول عليهادي مرينا و بنمر و هنمر بيها كتير.و هنخرج و ندخل ونخف منها كمان.و غصب عني كلمة تدل علي سلب الاراده و العقل والايمان.الاراده اللي تخلينا نحقق حاجات ولو صغيرة نفسنا فيها بنحلم بيها.العقل اللي يسطر لينا خطواتنا و طريقنا و يخلينا اصحاب قرارتنا الندم عليها مش موجود لأننا واخدين قرارنا بنفسينا مش بأرادة شخص تاني. الايمان بأن نصيبنا هنشوفه من غير ندم من غير سلبية..يمكن بنضعف لوقت بس الوقت ده هنندم عليه..و ساعتها الخسارة ممكن تكون اكبر من توقعنا.
نادر بجد كلامك اد ايه تحفة
وبدل ما تحسد لوكاش ما انت بتقول حكم اهو طيب ليه مش تكتبها لينا
انا مش بتريق بس بجد المعادلة اللي انت كتبتها دي
ارادة...عقل...ايمان
وتعليقك علي كل طرف من اطراف المعادلة
لو فكرنا شوية هانلاقيه فعلا صح اوي
بس تعرف بحس ان الايمان هو اهم طرف لاننا لو مؤمنين صح وبجد اوي باللي ربنا كاتبه لينا وان ده النصيب المقدر هانرتاح وساعتها عقلنا هايمشي صح و ارادتنا تحقق المطلوب دون ارهاق
اختنا ضي القمر واخونا سوليد وكمان جوجو
الناس دي فينها
ضي وسوليد عارفين ان امتحانتكم قربت ..طيب ما احنا كمان زيكم
هههههههههههههههه
ربنا معاكم
ياريت كلنا ندعي لهم ربنا يوفقهم وندعي لضي القمر اوي
وادعولنا احنا كمان
احنا بكالريوس
يعني شهادة يا ناااااااااس
جاسمين اكيد مش ناسيينك بس يظهر الناس مشغولين كتير الايام دي
اصل يادندن خبطتين في الراس توجع موضوع يوصل 47 تعليق برده لازم التاني يهدي شويه ولا ايه ههههههههههههه
ضي وحشتينا انت وجاسمين وطبعا استاذ سوليد وتعليقاته الجميله ومش ننسي جوجو واميرة الحب والطائر كمان كل دول فين ايه اتحسدوا شكلكم بيقول كده ولا عشان نادر جاه قولتو تفضوا ليه الساحه الف حمد الله علي السلامه ياعم نادر
يويو الجميله ربنا ما يحرمن منك وتفضلي كدجه معانا علي طول وباذن الله من غير لحظات عمي ولا غباء ولا اننا نخسر حاجه معلش طولت عليكم
انا جيت..ميرسي يا آيسة ربنا يخليكي لينا احمد بيحكيلي عنك كتير و حبيتك من غير ماشوفك.و حبيت كل اللي هنا دندن و عاشقه و سوليد اللي ناسينا..و يويو حبيبة قلبي و كل الناس بجد اسرتنا الصغيره اللي بتكبر كل شوية هنا بجد اقرب ليا من ناس تانية بشوفها وبقعد معاها كل يوم.
ساعات بيقع الانسان و بيضعف..لوقت طول او قصر..بتجيله لحظات ضعف واستسلام بس بيبان قدرته وقوته علي الواجهه و العيشه و الصمود في المشاكل و الاحزان اللي هتواجهه..وبيبان من هنا بجد انه انسان يستحق انه يحلم و يعيش..لازم تقوي و نفكر بعقلنا و مانسبشي قلبنا يتحكم فينا..
اسفة على التاخير بس معلش
وانتى كمان وحشتينى ياية
بس هو المفروض الواحد يحب حد غدر بيه؟ انا عارفةان الحب والكره مش بايد البنى ام انما اللى بيغدر او يخون مايستاهلش نفكر فيه ثانية ولو جوانا حاجة حلوة ليه لازم تموت لو مش بايدينا يبقي بمرور الزمن
عاشقة ضوء القمر
سلام عليكم
اظن يا انسة ان الحب الذي تتحدثين عنه لاقيمة له فكيف احب شخصا تلذذ في ايقاع العذاب بحبيبه وكيف تأمنين علي نفسك مع من اكدتي انه غادر؟؟؟؟
هل الغدر اصبح الصفة التي يقبلها الحبيب من بسبب وجود مضغة في جسم الانسان تسمي القلب
يا سيدتي ان كان قلبي يعميني عن حقيقة من لايستحق حبي فيجب ان اقتل هذا الحب بنفسي قبل ان يقتلني
فما اصعب العمي امام حبيب
لكن في النهاية اود ان احيي قلبا اخلص لحبيبه للنهاية فان كان من احببتيه قد اصاب حبك غدرا فاعلمي ان الله قد ازاح عنك غما
احمدسيكو
تعليقك حلو اوى ياحمد وعجبنى لاسيما لغة قانون بقي
كلمة سيدتى ادتنى ايحاء بان كاظم الساهر بيكتب مش احمد سيكو ههههههههههههههههه
عاشقة ضوء القمر
تعليق علي تعليق علق معايايا عاشقة ضوء القمر
لكن انا مش كاظم ولا حاجةيا ستي ومش بحبه اوي
كلمة سيدتي تدل علي احترام جميل بين رجل وامرأة
احمد سيكو
اكييييد يا احمد دى كلمة جميلة بس مكنتش بسمع حد بيقولها الا كاظم فده مخليها مرتبطة بيه عندى بس
عاشقة ضوء القمر
ياجماعة انا نفسى اكتب موضوعى بس مش عارفة لوسمحت
Post a Comment
<< Home