لم تغادر سوزى غرفتها طوال ذاك اليوم, وظلت تفكر وتفكر حتى وصلت الى هذا القرار ,هذا القرار الذى اهدته اياها جاسمين:
اللخبطه اللي احنا فيها دلوقتي دي حلها مش هنقدر نعرفه غير بالتجربه يعني مواقف تحصلنا مع مرور الوقت وتقارب بيننا اكتر نعرف بعض اكتر هنكتشف اللي بندور عليه الأحداث مش لازم تكون مرتبه قبل كده يعني مروحشي اقول انا هعمل و هسوي و يحصل حاجه مخالفه للي مترتب تلخبط الدنيا و تقع في اللي ماكنتش احب تقع فيه.
اما سراج فلم يكن من ذلك النوع الذى لا يحب التفكيرفى مكانه, فسرعان ما شد رحاله الى حيث لا يدرى , ظل هائما على وجهه فى الطرقات الخاليه يفكر فى ظلام الليل ,ولكن يبدو ان أحمد لوكاش قد اضاء ذهنه بهذا الراى:
(لازم تعرف اني بجد محتاجلها اني أنا اللي سألتها تكمل معايا حياتها.هي دماغها ناشفه بس أكيد بتفكر لمصلحتها و لمصلحة مستقبلها و حلمها اللي نفسها فيه.و ده حقها و هحاول اثبتلها اني قد المسئولية و اني الراجل اللي هي بتتمناه راجل بجد مواقفي معاها هفكر فيها كتير قبل ماعمل خطوة عشان هتكون محسوبه عليا و هتكون في دماغها كويس أي حركه مني و اللي ممكن تحدد حاجات كتير في موضوعنا)

نام كلا منهما ليلته الهادئه وهو يردد ما وصل اليه خشيه نسيانه.حتى جاء نهار يوم تبدو فى مخيلته معالم الشمس الذهبيه التى غطت كل اركان الكون باشعتها,واضاءت فى عقولهم طريقهم.ولكن لا تاتى الرياح دائما بما تشتهى السفن.
كانت سوزى غائبه عن هذا العالم,تسبح فى خيالها حتى اوقظتها تلك الوخزه.
يابت فوقى باه ايه انتى قاعده تحبى على نفسك ولا ايه.كانت مى اعز صديقاتها.
كل مره تتاخرى عليا كده ,مش هتبطلى حركاتك دى.
خلاص باه يا ستى المهم ايه اخر اخبارك وصلتى لقرار ولا لسه.
طب قومى بينا الاول نشرب حاجه واحكيلك واحنا ماشيين.
ايه ده,مش ده رامى يا مى.
ازيك يا سوزى؟عامله ايه يا مى؟
فلقد كان رامى من الشخصيات التى تستطيع جذب الانتباه وادخال جو المرح,ولكنه كان من ذالك النوع الذى يمتلك موهبه اضفاء انطباع عنه قد يختلف كل الاختلاف عن حقيقته.
سرق الحوار الوقت حتى نست سوزى ان سراج يكره هذا الشخص مثلما
نست انه قد ياتى فى اى لحظه.ولكن جاءت الامور اسرع مما تخيلت.فقد شاهدها سراج ورأته.فلم يكن رامى من الشخصيات المحببه وخاصه لسراج الذى طالما حذرها منه ,ولكنه الان بعد ان اباح لها سراج بحبه تغير الوضع,فلم يعد هذا الموقف يعنى بالنسبه له الا معنى واحدا وهو تلك الكلمه التى طالما كان يخشاها(لا يا سراج لا مش انا البنت اللى تنفعك).سرع سراج من خطواته غير عابرا بما حدث,ولكن ذلك لم يمنعه من استراق نظره اليها,نظره واحده,نظره لم تتعد لحظه واحده,ولكنها كانت تحمل كل ما كان يدور فى مخيلته من افكار.لقد قرأت سوزى كل هذا الكلام فى عينيه,لقد وقعت الكارثه.هل يضيع حبنا بهذه السهوله؟هل سيعطينى فرصه ان اوضح له الامر؟هل....هل....؟
مى يلا نمشى انا تعبانه شويه,عن اذنك يا رامى!!
قبضت سوزى على معصم مى بكل قوه وهى تسحبها الى حيث لا يدريان,بعيدا عن اعين الناس,او بالاخص بعيدا عن أعين سراج,فهى لاتستطيع مواجهته الان.
ازاى مخدتش بالى من النقطه دى؟ ازاى....ازاى؟ ده سراج ياما حذرنى من رامى ده ,اكيد دلوقتى فهم غلط,أكيد!!
إهدى شويه عشان نعرف نفكر يا بنتى ,اهدى باه...
يبدو ان سوزى فى حاجه ملحه لمساعدتكم ,فقد شل عقلها هى ومى من الصدمه غير المتوقعه؟ فماذا لها ان تفعل؟ ولا تنسو سراج الذى سهر الليل الطويل يفكر,كيف كانت الصدمه عليه؟حقا هو اساء الفهم,ولكنها ليس لها تفسير اخر عنده؟هل يمكنه سماعها بعد ذلك,ام ان كرامته لن تسمح له بذلك؟

الجزء الثالث