أيام تمر وأيام تأتى وأيام تذهب
أيام وأيام وأيام
اشتياق....حنين.....حب يشتعل...آخر ينطفئ
عناد....كراهية....ألم.....جراح.....قسوة.....حنان
ذكريات......حزن.....آهات....أفراح.....سعادة
ضياع....فقدان.....بحث.....انتظار....عثور
تائه في هذا العالم.....تعلم طريقك
تريد....لا تريد.....راض.....ساخط.....مقتنع
هائج....ثائر....هادئ.....غاضب....مبتسم
تضحك......تبكي.....دموع داخلية أو خارجية.....ضحكة بصوت ومرة مكتومة
حاجات كتير
أو حالات كتير
زي الأيام ما بتمر
كلها أحاسيس علينا بتمر
أيام وأيام وأيام
اشتياق....حنين.....حب يشتعل...آخر ينطفئ
عناد....كراهية....ألم.....جراح.....قسوة.....حنان
ذكريات......حزن.....آهات....أفراح.....سعادة
ضياع....فقدان.....بحث.....انتظار....عثور
تائه في هذا العالم.....تعلم طريقك
تريد....لا تريد.....راض.....ساخط.....مقتنع
هائج....ثائر....هادئ.....غاضب....مبتسم
تضحك......تبكي.....دموع داخلية أو خارجية.....ضحكة بصوت ومرة مكتومة
حاجات كتير
أو حالات كتير
زي الأيام ما بتمر
كلها أحاسيس علينا بتمر
دندن
posted by lockash أحمد تمام @ 11:28 AM
25 Comments:
طبعا لازم اكون صاحب اول تعليق
بصراحة فعلا الكلام جميل جدا ومعبر اوي
لكن اللي ساعات بحس بيه اني عايز ابكي واضحك وافرح واحزن وكل دة في نفس الوقت
وبصراحة لو كان العادي اننا نفرح في وقت ونزعل في وقت ونعمل حاجة واحدة في وقت معين لكن اللي مش عادي هو ان كل الاحاسيس تدخل في بعض في وقت واحد
كمان الايام لما بتمر علينا ليه دايما الانسان بينام ويحمل هم اليوم اللي جي
خاااااااااايف منه
لانه مش عارف اللي فيه ومستخبي ومستنيه
وتمر الايام والانسان مش عارف ايه اللي مكتوب له
لمبــــــــــــادا
يسعدني للمرة التانية علي التوالي انك تكون صاحب اول تعليق
واسمحلي ارد عليك من اخر جملة انت كتبتها
يا لمبادا..لو اطلعتم علي الغيب
لاخترتم الواقع
واكيد انت عارف وكلنا عرافين ان بكرة مكتوب عند ربنا عز وجل
ومكتوب لينا كل حاجة هاتحصل
اكيد الواحد ساعات بيقلق وبيخاف من اللي جاي......لكن
من الخطأ انه يسيب القلق ده يسيطر عليه ويشده لورا
تعرف ودا زي حاجة درستها في علم النفس وهي
ان القلق دا شيء صحي والانسان الذي لا يقلق دا عنده لا مبالاة
لكنننننننننن
اذا القلق بدأ يزداد عن حده اصبح قلق مرضي وللاسف يجي بالسلب علي صاحبه
عارف يالمبادا
احلي حاجة واحلي كلمة تقال وتكون من القلب صح
حسبنا الله ونعم الوكيل نعم المولي ونعم النصير
اعتقد انت فاكر الكلمة دي كويس
وفاكر مواقفها معانا
......................
اما بقي كلامك عن حكاية زحمة الاحاسيس دي ياسلااااااام
الواحد بيحس ان مخه هايضرب مش عارف طيب يعيط ..وهايعيط ليه؟؟...لالا يضحك..طيب علي ايه؟؟
تحس كده انك عايز تجري وتتنطط زي طفل صغير
وساعات عايز تصرخ..وشوية تقعد ساكت ومش عايز تشوف الناس ولاحد يكلمك
احساس فظيع حسيته كتير..مش بلاقي ساعتها غير كلمة واحدة علي لساني
يارب..يارب ارحمني
بس يمكن دا يكون بيحصل لنا عشان احنا بنمر بكذا موقف وكل موقف سايب اثر وطبعا رد فعل
بس لما تلاقي الدموع في عينك..ايك تحبسها
برضه اما تحس بالضحكة..اوعي تمنعها
حاول تفكر دايما في حاجة حلوة
سيب التفكير في االلي راح واللي مزعلك و و و
وفي الاخر برضه مالناش غيره سبحانه
مش ملاحظة ان الصدفة خلت موضوعك الملخبط الأحاسيس ده يجي وموضوعي الملخبط هو كمان علي يمامه.. مش كنا كبيعيين ليه الواحد فينا بينجر للموقف ده الملخبط ايهاللي بيخلي الواحد يبقي ملخبط حاجات كتير صح.بس ماحدش فكر يوقف الحاجات دي او جذء منها قبل ماتسيطر عليه و تلخبطه؟
احيانا بتلاقي نفسك يمكن مش قادر تقاوم
فتقوم تستسلم وتسيب نفسك
تغرق يمكن تطلع..حد يطلعك..تفضل غرقان
يجيلك اكتئاب او تعرف تفك
حتي الحالات دي متلخبطة ياتري ايه يحصل منها زيها زي لخبطة الاحاسيس
لخبطة الاحاسيس دي بتبقي صعبة اوى
كلنا بيجيلنا وقت فعلا منعرفش المفروض انى انفذ ايه من احساسي الضحك والعياط والاتنين حاسة بيهم بس مين اللى يعبر عن وجوده؟
يا جماعة هى الناس راحت فين؟
انا خلصت امتحانات خلاص بس فين البشر اللى كانو بيكتبو هنا متهيالي ان الكل خلص امتحاناته؟؟؟؟؟؟؟؟؟؟؟؟؟؟
عاشقة ضوء القمر
مادام اللخبطه دي طبيعي يبقي المفروض ماتزعلشي حد لما يدخل فيها .. واللا دي حاله غريبه المفروض نخرج منها لأنها بتسبب تراكم حاجات مش ولابد جوانا؟؟
تجربة شخصية في حالة من الخبطة دي سببت مشاكل و مواقف بايخه مش عارفه اصلحها لوقتنا ده..ياريت يعزروني و يسامحوني بنتصرف ونقول حاجات واحنا فيها بتعدي علينا من غير مانفكر
فين سوليد يا جماعة؟؟
اية انا عارفة ان ظروفها الايام دي مش مساعداها علي الدخول
لمبادا وسيكو مالكمش حجة خلصتوا امتحانات بقي
جاسمين ويويو وحشتوني ووحشتواجميلة
سلام عليكم
ماالذي اري؟
اين الناس اين الاحساس اين الجميلة اين الحماس؟
لقد انتهي الكل من الامتحان وكان هو السد المنيع امام جمال الصنيع لكن ما اري ان البلوجر يضيع ولا اجدالا قليلا ممن لم يبيع
دعوة لان نعود للبلوجر يا جماعة
اذا كانت هناك مشكلة فلنناقشها
احمد سيكو
انا مش فاهمة فكرة المدونة دي
ممكن حد يشرح لي؟؟
وحشتونى مووووت بجد انا فعلا زعلان ان الوضع هنا وصل للمرحله دى
فين الناس فين الجمال فين الحب فين الكلام الممتع
فين...فين........؟!!
انا عن نفسى فعلا اسف لكن انا مشغول جدا الايام دى بس بحاول انى اوفق بين حياتى وبين انى اجى اشوف حبايبى واصحابى اللى بجد من غيرهم كان ناقصنى حاجه
عندى كلام كتير اوى اوى عاوز اقوله لان الوضع بجد ضايقنى اوى لما جيت وشفت بس نتمنى ان يبقى فى استجابه
اول حاجه انا شايف ان اى اقتراح او فكره او طلب يتطلب هنا كل واحد بيعمل فيها مش واخد باله ويقول غيرى هيرد فين زمان يا جماعه لما كنا كلنا واحد واخر حاجه اقتراح سيكو
تانى حاجه انا لاحظت بعد ما كان نفسنا نكتر وتكبر معانا جميله ان الناس بدات تتقسم لجروبات بطريقه انا بجد استغربتلها
احنا فقدنا الميزه اللى جينا كلنا عشانها وهى التخلى عن كل عيوب الحياه الاجتماعيه التقليديه
وانا عن نفسى دون ذكر اسماء فى ناس هنا منفضالى على الاخر حتى لما وجهت الكلام ليهم مخصوص
وشفت ناس تانيه برضو وجهو كلام لناس وهم ولا هنا
اللى عاملين شات مع نفسهم والكلام اللى انتى عارفاه على راى لوكش واللى مش عارف يتحرق يعنى
تالت حاجه اسم الصفحه اللى موتتنا
اتقدم ميه اقتراح بس المشكله الوحيده اللى شفتها ان محدش بيرد على حد
يا لوكش اعمل زى ما اتفقنا بليز اخر الشهر اخر معاد وتفتتح الصفحه وهناخد بالاغلبيه واللى مش هيقترح هنعتبره ممتنع عن التصويت عشان نخلص بقى
بس الاول فى مشكله اكبر واكبر وهى ان صفحه لوكش مفيش حد بيفكر يعدى عليها زى ما ايه قالت بطريقه غريبه فين الناس فين الجميلات مؤسسى الصفحات دى
لا وايه العدوى اتنقلت لجميله كمان واللى بييجى ييجى عشان يسلم ويمشى او يعمل شات مع واحد صاحبه او زى حالاتى يبكى على اللبن المسكوب
انا عارف انى طولت عليكم مووت زى بالضبط ما انا عارف انى رخم جدا فى كلامى ولو كنت جرحت حد انا اسف فعلا بس اكيد انتم زيى بالضبط حاسيين ومتضايقين على الوضع ده
لان المكان ده كان هو الملجا اللى بيخرجنا من اهوال الحياه
فلو هيتحول لمجتمع بنفس الظروف اللى بره يبقى بلاش منه احسن لان كل منا عنده اللى يكمفيه وقبل كل ده يبقى بلاش كلام عن الحب والكلام ده لانه مبينفعش بره اصلا عشان كده احنا بنفضفض هنا
يارب نرجع تانى لسابق حالنا يارب
وسامحونى تانى على الاطاله واى عك عكيته بس ان اكنت بتكلم من قلبى ومن دافع حبى لجميله
وبس
سوليد
انا عندى اقتراح ده بعتبار ان الناس هتعبرنى وترد عليا يعنى عاوزين نحدد يوم نتجمع كلنا هنا ونتعرف فيه على بعض بما ان فى ناس جديده دخلت معانا فى وقت مساعدتناش الظروف اننا نعرفهم اكتر واكتر
مثلا يكون اول يوليو ويكون ده اول حاجه تتنشر فى الصفحه الجديده
كل واحد يفضى نفسه اليوم ده ربع ساعه بس فى اى وقت يكتبلنا فيها كل البيانات اللى هو شايف انه عاوز يقلهالنا
وبس
اتمنى ياررررررررررررررب انى الاقى رد حتى لو بالرفض
بس تتكلمو
سوليد
بالمناسبه بقى انا هقدم تلت ترشيحات وممكن كل واحد يعمل كده ياريت عشان تبقى الفرصه اكبر
ممكن
لو بطلنا نحلم نموت
عطر الكلمات
شباب دوت نت
دى ترشيحاتى اتمنى بقى الاقى رد فعل سريع من الناس لان باقى اسبوع
بالمناسبه برضو انا لاحظت ان فى ناس قافشه على بعضها كده ياريت لو فى حد كده مع نفسهم يعنى يصفو كل اللىبينهم بالميل او هنا حتى لو حبو المهم عاوزين فى اول يوليو بجد نفتتح عهد جديد للصفح التلاته مع بعض وبقلوب جديده كلها حب وجمال وصداقه وننسى كل مظاهر البشر اللى مش ممكن يتخلو عنها بره ونفتكر هدفنا الاساسى من التجمع هنا
يكفى ان فى ناس ميعرفوش حتى اسم بعض ورغم كده جميله قدرت تجمعهم وتخليهم يحبو بعض بجد
حقا انتى جميله الجميلات وسنحافظ عليك ابدا ما استطعنا والله المعين
وبرضو عاوز اقول حاجه حسيتها هنا
يا جماعه عاوزين نحس ببعض انا لاحظت ان فى ناس كتبت هنا فى الفتره اللى فاتت دى من اجل الفضفضه عن نفسها وبتبقى عاوزه تسمع رد تسمع نصيحه ولكن للاسف مش بتلاقى
واخيرا وليس اخرا هعيد نفس كلامى
ياااااااااااارب ترجع جميله لسابق عهدها وتغمر كل محبيها بالحب والجمال و الصدق والوفاء وسائر الحان العذب والحنان
سوليد
أولا سوليد بيغيب يغيب ويرجع بجرنال معاه.. انا مبسوط من كلامك لانك اتكلمت في حتت كنت عايز اتكلم فيها بس ماحبتشي اقولها اليومين دول.يمكن اكون مش بلق كتير اعتراضا لحاجات من الحاجات دي.اهو موقف يعني تجاهها. و انك قلتها كده خبط لزق انا بقي كنت هحنتف فيها و ممكن و يمكن و حاجات كده .
أما الأقتارح بتاعك فانا قلت كده من زماان و محدش عبر أمي. فاكر يومكاقلنافي الجامعه و بتاع فاكر اقتراح الصورة اللي الناس تختارها و تتكلم من خلالها علي نفسها.. العالم نايمه في ملاكوته بس لو الناس اتشجعت انا معاكوا واول مشارك في الموضوع ده.و يمكن نعل زي الناس مابتعمل ويبقي تجمع بجد وجها لوجه يعني بس اظن المرحله دي بدري عليها قوي.
المكان هنا للفضفضه عن الناس و لكن مش واضحين ياريت يكون اقتراحات الاسماء للصفحه الذكورية يكون في الصفحه نفسها مش هنا ممكن
اخيرا.. طائر حزين-آية مدحت- دندن-عشاقة -جاسمين-يويو-احمد سكو-لامبادا-سوليد طبعا- و كل الناس الجداد اللي دخلوا مرة و ماحدش شاف وشهم بعد كده.. ياريت تبقي فعلا نقلة بجد و تكون زي العمرة اللي بتتعمل للمتور.ونحس بجد بتغير.وانا معاكوا
حلوه قوي حالة التناقض دي
فعلاً حياتنا ملاينه تناقضات
و انتي عبرتي عنهم ببراعه
تحياتي
جامد اوى ده اول تعليق اهه وجه من لوكش بعد ما بوست ايده ورجله كمان
كويس عاوز ردود حتى لو وحشه قلتلكم عاوزين رد عاوزين نقد
اما عن الحنتفه فالناس دى يا لوكش متجيش غير كده
خبط لزق
احنا لسه هنقنتف ونخرط والكلام الملوخيه ده
وكمان مش قلتلك اختار تلت اسماء فين هم يا عم الحج
انا مستنى باقى الناس
انجزو بقى
سوليد
برويد
اشكرك علي مرورك لاول مرة عندي
والحمد لله ان كلامي حلو وعبر عن الموضوع صح
بس ليا سؤال
ياتري هو الحياة اللي فيها التناقض؟؟ ولا التناقض دا جوانا احنا؟؟
ولا هي معادلة واحنا والحياة اطراف فيها؟؟
بس يعني...مش طالما الحالة دي تقريبا عند كل الناس يبقي ممكن تكون شيء عادي؟؟
اااااه ولا احنا اللي بقي فينا حاجة غلط او شيء حزين واجعنا وبيعمل فينا كل ده؟؟
معلش طولت عليك
تحياتي
سوليد
تغيب تغيب ويوم ما رجعت حتي نسيت تقرأ موضوعي
عامة الحمد لله علي لامتك وربنا يعينك علي مشغوليات الحياة
فكرة تجمع اهل البلوجر وتعارفهم فكرة اعتقد كويسة وخصوصا ان فيه ناس كتير اصلا تعرف بعض لكن اكيد ممكن يكون احل لما نتعرف كلنا بس يارتري بقي الناس هاتعرف تتفق علي ميعاد؟؟
سيكو
اوحشتني كلماتك
واسلوبك الجميل
ارجو الا تحرمنا
تحياتي
امرأة تقول الذي لا يقال
برحب بيكي في مدونتنا الصغنتوتة
ياستي مدونتنا بسيطة جدا
فضفضات وكلام
ناس عندها احاسيس..موضوعات..افكار
حاجات كتير
جميلة صفحة بيضا مفتوحة لكل قلم بيعبر عن احساس عن فكرة
مش مقيدة بمجال حديث واحد لأ تلاقينا نتكلم في كل حاجة
حب..الم.. جرح..حكم من الحياة..تجارب..مواقف حياتية تعبر عن احساس او تدي خبرة..قصة وحكاية نعيشها
ناس تفضفض عن اللي تاعبها باي شكل
معلش بقي حظك انك جيتي في وقت مدونتنا فيه بتمر بحالة مش ولا بد شوية
لكنننن
ان شاء الله عن قريب جميلة ترجع زي ما كانت واحسن
وتطير الجميلة مع اليمامة والصفحة الجديدة ان شاء الله لتحلق وتحلق
كما كانت وافضل
معلش طولت عليكي
تحياتي
يا دندن وهو انا اقدر انسى يعنى
بس والله انا لسه معلقتش على اى موضوع لا بتاعك ولا لوكش ولا حتى شمس اللى وعدتها بالتعليق لان التعليق على الكلام بتاعكم ده مش بالسهل كده
بس انا اول حاجه شفتها وضايقتنى اوى حبيت اقلها
اما عن المعاد فانا قلته للتجمع وهو اول يوليو واتمنى ان كل واحد يناسبه الوقت ده
وهطلب منك نفس اللى قلته للوكش
ولا انا لازم اقول لكل واحد لوحده
يا جماعه لو سمحتم قولو تترشيحات لاسم الصفحه اللى مش ناويه تبدا دى
سوليد
يا جماعة لوكش سابلى الموضوع ده اظبطه معاكم موضوع اسم الصفحة الجديدة يعني
وانا كتبت هناك اخر كلام
اختيار الاسم لحد يوم الاتنين فقط لا غير منعا للعطلة واول موضوع ان شاء الله يبقي التلات
لان الكل كان معاه وقت يفكر ومحدش رد
واللى مش هيقول رايه ميرجعش يزعل ويقول الاسم معرفش ماله
انا على فكرة مش بتحكم علشان لوكش قالى اتصرفي
انا بس بقول حاجة علشان نخلص بيها وفي نفس الوقت السرعة بقي لان مفيش سبب للتاخير والكل مخلص امتحانات
فلو انت لسا ياحمد سايبلى زمام الامور انا رايي هناك
ثم ايه حكاية ان محدش بيروح يمامة وانا ملاحظة ده اوى وياريت حد يقولى سبب مع ان الناس بتيجى هنا يعنى مش مشغولين ولا حاجة
عاشقة ضوء القمر اللى حرقتو دمها
ايه ياحمد منزلتش الموضوع الجديد ليه؟
دلوقتى الامتحانات خلصت وخلاص بقي نرجع نخلى لكل موضوع كام يوم بس زى الاول مش اسبوع ولا ايه يا جماعة؟
عاشقة ضوء القمر
تؤم الرواح دائما تصيبي الهدف باتقان تحياتي لكي ولعطر كلماتك
اسفه علي التاخير عنك
Post a Comment
<< Home