كل سنة وانتم طيبيين.. جميله بتفضفض مشغوله او بتنشغل شويه رمضان جاي و الفكر مشغول والوحي بيكسل ينزل علينا في الأيام دي.. فعذرا علي قله الإنتاج و نوعدكم بكل جديد علي شاشة القناه الثانية.. كل سنه وانتم طيبيين..

الموت ... ذلك الزائر الذي لا يزور الإنسان إلا مرة واحدة والذي لا يمكن لأحد ايا كان أن يمنع زيارته.
هوالزائر الذي نعيش العمر ونحن نعد العتد والعتاد بالعمل استعدادا للرحلة التي يأخذنا إليها فهي رحلة لا عودة منها ... رحلة تبلغ من الصعوبة ما لا يمكن للعقل استيعابه ولا يهون من صعوبة تلك الرحلة إلا رحمة الله عز وجل .
يارب أحسن ختامنا وهونها علينا وأدخلنا في رحمتك يا حبيبي يا الله.
DONDON

قالواوقلت
قالوا:قد يحب الانسان مرة واثنان وعشرة،وقد يأتي حب يطمس حبا كان قلبه.
قلت:بل الحب لايكون إلا مرة واحدة فقط.
قالوا:وما قولك في من نجده يهمس بكلمات الحب ثم اذا ما فارق محبوبه فإنه قد يجد محبوبا اخر؟
قلت:كل هذا لايندرج تحت اسم الحب،فطالما وجدت شخصا استطاع أن ينسيك من قبله،فاعرف ان ما قبله لم يكن حبا بالمرة.
قالوا:وماذا يكون اذا؟
قلت قد نسميه اعجاب،اعجاب بشخصية أو طباع او افعال أو غيرها، وقد يكون عطف أو شفقة،او انبهار وقتي.لكن الحب الحقيقي لا يأتي سوي مرة واحدة في العمر، وتعرفه في أنك تجده يعوضك أشياء كثيرة،لكن لا تستطيع ان تضع لهذا الحب اي بدائل اخري.
كما تجدك متمسكا به وبالمحبوب، لا تقدر ان تنساه مهما قاسيت من حبه ومهما عانيت. فيكون لك كالهواء أو الماء؟!
لكن مايكون قبل هذا الحب من انبهار فيكون مثل قطعة الملابس التي اعجبتك بعض الوقت لكنك استغنيت عنها فيما بعد واشتريت غيرها.
اذن من له الاولوية بان يسمي حبا هل الذي نستغني عنه بسهولة ام ذاك الذي لا يمكن التفريط فيه؟؟!

الحب البائس
حب حزين...حب مرير
حب مليء بالصراع...حب مليء بالدفاع
حب مليء بالأوجاع
حب محشو باللاثقة وأحيانا اللااحترام،تحت مسمي :هكذا يكون الحب
حب لاتعرف بوجوده الا اذا كان كل طرف بعيد عن الاخر
أي حب هذا...
إنه حقا لحب بائس

حبيت اقولِكِ بحبِِكِ..قالي الحب تبقي بتظلميها
سألته ليه؟؟.....قاللي انا شوية عليها
دي تستاهل كلام اهل الهيام والغرام والصبابة
قلت له عندك حق
حبيت أقولِكِ إنِك أجمل زهرة في بستاني..قالي البستان تبقي ظلمتيها
قلت له ليه؟؟....قاللي هو فيه في البستان زهرة غيرها..دا من جمالها اتكسفت الورود تتفتح أو تسكن البستان
قلت له عندك حق
كل ما اجي اعبر عن اللي جوايا ألاقي حد يقوللي ظلمتيها...دورت بين الكلام مالقيتش اجمل من دعوة:
(يارب في الجنة اجمعني بيها)
لقيت الكلام بيأمن ويقول آمين... والله لقد انصفتيها.
الكلام ده اتكتب عن جد لإنسانة حبيتها حب حقيقي وخايفة ان احساسي دلوقتي يكون احساس ندم ع الحب ده
DONDON

قبل ماعرض الموضوع الجديد ده اللي بعتته دندن لينا .. وده تكمله لموضوع سابق عن الحاجات الغلط اللي بنعملها و عارفين انها غلط و بنعملها و نرجع نقول اغرلينا يا رب..مع الأخذ بالعلم ان كل الأحاديث و الكلام ده علي مسؤليتها .. يعني غير متأكد من صحة النصوص والأحاديث المذكوره فيه..ويجعلها خير لنا ان شاء الله..

تعليقا علي ما قاله احمد بخصوص ان كثير من الناس يعرفون الصواب من الخطأ لكنهم للأسف يفعلون هذا الخطأ،اهديكم هذه القصة وبعدها نتحدث:
في مجلس ما ايام رسول الله صلي الله عليه وسلم حكي عمر بن الخطاب رضي الله عنه هذه القصة،انه عندما كان طفلا صغيرا كان ابوه الخطاب يضع له الهاً من العجوة ويقول له احرس الاله حتي ارجع ولا تغفل عنه. يقول وفي مرة تأخر ابي وكنت جائعا فانساه الجوع وصية ابيه فقام واكل الاله ولما شبع تذكر عودة ابيه وانه سوف يعاقبه لانه اكل الاله فذهب واحضر كمية من العجوة وصنع الهاً اخر ولما اتي ابيه وسأله عن الاله قال ها هو ذا يا أبي ، فقال له والده قم ياولدي نسجد شكرا للإله وسجدنا له!!
قال له الرسول الكريم صلي الله عليه وسلم:ألم تكن لكم عقول يابن الخطاب؟
قال عمر :بلي يا رسول الله لكن لم تكن هناك هداية.
هل فهمتم المغزي ليست المشكلة بأنك تعرف الحلال من الحرام لا.. الامر كله هو
هل يهديك الله للحلال ام لا؟
يجب ان نسأل الله دوما الهداية، لأن الامر مش انك تقول يارب اهديني وتعاكس بنت في الشارع،
ولا تقولي يارب اهديني وانتي بتكلمي واحد صاحبك من ورا اهلك، ولا انك ترفع ايدك للسما وتقول يارب الهداية من عندك اهديني وتكون في ايدك التانية سيجارة...لأ...لأ
فين يا أخي و يا أختي الأخذ بالأسباب لازم تعمل حاجة ..قدم لربنا دليل انك عايز تكون نظيف انك نفسك تبقي طاهر من الذنوب. قال الله عز وجل
(...إن الله لا يغير ما بقوم حتي يغيروا ما بأنفسهم...)
طبعا كله مكتوب ومقدر عند الله، لكن فكر دايما ياتري انا بعمل اللي يرضي ربنا عني ولا بعمل اللي يخلي الشيطان يحبني،بسمع كلام مين؟
لو لقيت أو لقيتي ذنب معين ملازمك أدعي ربنا كتير ادعي اوي ابكي بين ايديه وقول يارب طهرني يارب اجعلني كما تحب وترضي يارب....
لكن فيه نقطة مهمة جدا وهي ان ساعات في ناس ماتكونش عارفة ان حاجات معينة غلط او حرام،يبقي ده يتطلب مننا ايه؟يتطلب اننا نعرف ديننا اكتر يعني بدل ما اقعد اتفرج علي البرنامج اللي بيحكي حياة الممثل فلان ولا بيتكلم عن عمليات التجميل اللي عملتها فلانة لأ... ليه اضيع وقتي في حاجة مش هاتنفعني لا دنيا ولا اخرة اقرا كتاب ديني او علمي او ثقافي احسن، اتفرج علي برنامج ديني او اشوف فيلم تسجيلي لعجائب المخلوقات واسبح بقدرة الله.
اكيد هاتعرف حاجات احسن، ياجماعة فيه حاجات كتير بنعملها بحياتنا عادي جدا وهي حرام
زي حضرتك لما تنزل الشارع لابس شورت او تيشرت بدون اكمام ده فيه اظهار لجزء من العورة اللي النبي امرك بسترها كمان ممكن تكون فتنة للنساء
وحضرتك يا اختي ما شاء الله محجبة لكن لما يجي ابن خالتك ولا ابن عمك تقعدي امامه بدون حجابك...ليه؟ده مش مَحرم لك اللهم الا اذا كنتوا اخوات بالرضاعة.يعني هو زي الغريب بالشارع.
كفاية كده عشان طولت عليكوا.لكن...ياريت تأثير الكلام ما يكونش وقتي يعني بعد ماتقرا فكر وحاول تصلح نفسك وادعي لو حصل ده اعرف ان ربنا كتبلك الهداية وانك بدأت بالسكة الصح
في النهاية ما كان صواب من هذا فهو بتوفيق من الله وما كان خطأ فمن الشيطان ومن نفسي
اللهم اجعلنا من اهل رضوانك قولوا امين.

لو علمت كيف هو حبي لك لما تركتني..لو علمت لكنت سامحتني
أراك اينما اذهب وكأنك كل البشر
وحينما تداعب نسمات الهواء وجهي تذكرني بأنفاسك الدافئة التي طالماصاحبت كلماتك الهامسة
وعندما ابكي احتضن نفسي بذراعي وامسح دموعي بيدي استمد من حنانها الذي كنت تبثه بها بلمساتك الحنونة
لكن... اين انت الان؟ وماذا بقي بيننا ؟
هل بقي ألم ام أمل أم اعتذار أم فراق للأبد وليحيا كل منا علي ذكري الاخر أو ما بقي له من الاخر
أم لم يبق بيننا شيء؟؟
انتظر منك جوابا لكن قبل ان تجيب تذكر كل الحب الذي عشناه معا... تذكر كل الذكريات السعيدة بيننا وسل نفسك هل dondon كل ما بيننا لا يجعلك تسامحني؟