تحياتي علي خداعك لي ....علي غدرك بي ..تحياتي
علي خيانتك لي ...تحياتي
ابكي ....تفرح في
افرح ...تبكي عيني ....تحياتي
اشتاقلك ....تهجرني
احتاجلك ...تخلي بي... تحياتي
تحياتي لكل من باع ولا اشتري
تحياتي لكل من اتفق علي الخداع
تحياتي للغدر والخيانة
تحياتي في زمن يبيع فيه الصاحب صاحبه
تحياتي في زمن الحب بقي للمصالح
تحياتي في زمن انتهك عذريته
تحياتي للمجانين العقلاء والعقلاء المجانين تحياتي.
علي خيانتك لي ...تحياتي
ابكي ....تفرح في
افرح ...تبكي عيني ....تحياتي
اشتاقلك ....تهجرني
احتاجلك ...تخلي بي... تحياتي
تحياتي لكل من باع ولا اشتري
تحياتي لكل من اتفق علي الخداع
تحياتي للغدر والخيانة
تحياتي في زمن يبيع فيه الصاحب صاحبه
تحياتي في زمن الحب بقي للمصالح
تحياتي في زمن انتهك عذريته
تحياتي للمجانين العقلاء والعقلاء المجانين تحياتي.
آية مدحت
posted by lockash أحمد تمام @ 11:17 AM
20 Comments:
تحياتي لآية كلامها ده بيقول حتت كتير معقدانا من نفسنا.. اما بنكون مجانين في نظر الناس واحنا اعقل العاقلين.. و المجانين في نظرنا هما العاقلينو اللي محركين الدنيا.
لما ني اللي بنحبه حياتنا و يهجرنا و يسبنا و يبيعنا هو ده الجنون
الدنيا يوم ليك ويوم عليك
اللى باعك النهاردة هيتباع بكرة
واللى خانك النهاردة هيتخان بكرة
وفي النهاية مقدرش اقول غير كلام جميل وكلام معقول مقدرش اقول حاجة عنه
عاشقة ضوء القمر
تحياتي وطالعة معاها الم من قسوة الوجع
بس تحياتي
لانها طالعة برضه باحساس انك انت الاحسن برضه
ان اللي باع او اللي خان او او او
هو اتلوث بقذارة فعله اما انتي لسة بنقائك
ملحوظة
لو استمر وضع الاموات ده من الناس في دماغى ويمامة وجميلة مع احترامى هنسحب من التواجد هنا وهناك
شكرا عاشقة ضوء القمر
الاستاذة ايه
كلامك واصل لينا واحمدي ربنا اني مقلتش كلام جميل كلام معقول مقدرش اقول حاجة عنه
والله شكلك مش عارفة ان في موضوع نزل لك في الصفحة لاني مش شايفك خالص
عموما هذا استمرار لحالة الموت اللي بنعيشها وانا بتفرج علي البلوجرات التانية وبصراحة ما شاء الله لقيت معظم اذا مكنش كل البلوجرات حاجة تفرح اما هنا............حد فهم حاجة؟
وانا معاكم يا عاشقه وسيكو بصراحه الموت هنا لسه مستمر والحال بالشكل ده ميرضيش اى حد من اللى جربو جمال البلوجر ده
مش نشوف ليه وفيه ايه و بعدين نقرر نعمل ايه.. و بعدين نقرر نعمل ايه..
انا زعلانه من آية ده أولا و ثانيا من عاشقه.. انسحاب.؟؟ مستغرباها منك بالذات
و بعدين سيكو و سوليد... الموت اللي فيه البلوجر هنا انت مشاركين فيه يعني الموضوع ده منشوف لآية هي مش موجوده و انا علقت و دندن و عاشقه ولوكش في ظروف المفروض نعزره فيها مع اننا مانعرفهاش.. بس أكيد حاجه كبيره عنده او جواه خلته يغيب عننا.. انتم كمان دخلتوا معلقتوش حتي علي الموضوع و سيبتم نفسكم للنقد و البلوجر الميت سيكو انت بقالك كام يوم اصلا مش بتخش من الاساس عندنا تقول كده علي اساس ايه..
سوري يا جماعه اني بتكلم كده بس لما قريت كلامكم اتنرفزت بصراحه ماحدش يزعل مني يا جماعه و الناس اللي مش عايزين المكان هنا يموت فين تعليقكم عن يمامه و في دماغي
بعيد عن الانقلاب اللي بيحصل هنا من الناس و اللي كمان مش عاجبني .. عجبني تعليق عاشقه قوي.. كما تدين تدان.. ماتسيبشي نفسك للزعل و الاكتئاب و الحزن لوجود حد باعك او خانك و تندم علي الأيام اللي قدتها معاه.. خلي فيه ثقه في نفسك و في ربنا ان هيرجعله اليوم اللي يدوق طعم الخيانه و الألم.. لازم تكون جوانا الاقتناع دهلأنه هيرحنا من هموم كتير واللا ايه؟!
يا جماعة دى مش اول مرة اقول للناس تصحى معانا ومش اول مرة اقول مبحبش اكلم نفسي ومش اول مرة اقول فين الناس ومش انا بس اللى علقت على الظاهرة دى
موضوع لوكش فضل يومين من غير ولا تعليق.ليه؟
موضوع ايه هى متعرفش انه هنا ولا بتفكر تيجى حتى لو موضوع غيرها . ليه؟
الناس بتدخل تعلق من باب الواجب زى ما يكون بيقول لحد البقاء لله وتعليقات الناس بقت اسطوانة مشروخة.ليه؟
خلاص بقيتو من انصار كلمتين وبس
وانا كل ماجى احب ارد دايما على كلام كل حد وكل شوية افتح الصفحة وممكن افتحها 3 مرات في اليوم ولا كانها مضاد حيوى والمشكلة مش بلاقي جديد. يبقي ايه؟؟؟؟؟؟؟؟؟؟؟؟
اتمنى اشوف رد من اى حد وخاصة طبعا يويو وجاسمين
عاشقة ضوء القمر
الاستاذة جاسمين
قد اتفق معاك في بعض الكلام لكني اختلف ايضا
كلماتك تحمل الكثير من العتاب رغم ان هذا من حقي
فاني قد دخلت علي موضوعي في دماغي كثيرا وبقيت كثيرا من الايام لا اجد الا تعليقا واحدا
واود ان اسألك علي من ارد؟
وعلي من اجيب ؟
ومع من اتفاعل؟
سوليد واين هو؟
لوكش وفي اجازة
ايه؟
كلام جميل وكلام معقول
الي ان جاء الفرج والحمد لله واصبحت التعليقات تسعة
جاسمين انت لا تتخيلي ما معني ان تكتبي ولا تجدي من يمر حتي علي كلماتك وفعلا فانه اصبح واجبا ثقيلا علي من يوم به
واذا اتينا لجميلة فنقول ما شاء الله صاحبة الكلمات غير موجودة من الاساس لانها لاتعلم ان لها موضوعاهل ارفع سماعة هاتفي فاتحدث مع نفسي ام اخيل لنفسي اني اتحدث مع ايه؟؟؟؟؟؟؟؟
السلام عليكم
ياجماعة انا قريت كل تعليقاتكم وكلامكم
جميل اننا يكون همنا علي البلوجر كده ونزعل لما نلاقي حاله مش مظبوط
لكن ياريت مانخليش الخناق ياخدنا بعيد عن الهدف الاصلي ولا ايه؟؟
انا مع سيكو في نقطة مهمة ودا لاني عارفة احساسها
وهي ان الاقي نفسي اكتب موضوع وماحدش يفكر يمر عليه او الاقي اتنين تلاتة علقوا والباقي لا
دا بيوجع برضه
وعلي فكرة ساعات كمان اللي بيعلق مابيعلقش في صلب الموضوع
ياجماعة لو تفتكروا
ساعة مسابقة ملكة الجمال اللي لوكاش كان عايز يعملها بس ماحصلش نصيب انها تكمل
كان بيتكلم عن ان الناس فاهمة اننا الشباب والبنات مخنا فاضي وتافهين
واحنا من خلال المدونة بنقول لا احنا لينا فكر ورأي
كتابة الموضوع بتيجي بناء علي ثقافة وفكر ورأي للي كتبه
لكن فكر ورأي لايساويان شيئا دون حوار ومناقشة دون اراء الاخرين
تعالوا نوفر الكلام الكتير عن مين غلطان ومين صح
ونحول كل الفكر لاتجاه ايجابي وهو اننا نرجع نقرا ونفهم
فين لما كنا بنفتح جوه الموضوع مية حوار لنفس الفكرة ونسال ونناقش وووو
يالا ان شاء الله نرجع كلنا
نبدأ تاني
نكمل نجاح جميل ربنا انعم علينا بيه
ها مين موافق وهايبدأ؟؟؟؟
اعذروني عشان طولت
اسمحولي ابدأ
في تعليق العاشقة جملة
اللى باعك النهاردة هيتباع بكرة
الايام دول والدايرة بتلف
في ناس بتفتكر انها شاطرة
انها اذكي من الكل
يقدر يضحك علي غيره يألم يخدع
لكن لكل فعل رد فعل حتي لو ما كانش من اللي اتخان
ممكن يجي يوم ويلف وتلاقي اللي يضربك بنفس السلاح
وعلي راي المثل
طباخ السم بيدوقه
كلام جميل يا دندن
احنا مقررناش الانسحاب من فراغ واديكى شايفه البلوجر بقى عامل ازاى
وبصراحه انا عن نفسى بطبق مبدا الانسحاب لانى مرضاش ابدا ان حد يقلل منى وده حصل بالفعل اكتر من مره من اشخاص بعينها وانا لفت النظرلكده بطرق غير مباشره اكتر من مره
فلو لم يكن من الامر مفر فانا افضل الانسحاب على ان انشر القيل والقال داخل البلوجر
وانتى عارفه انى من اكتر المؤيدين لرايك دايما لكن انا ليه عتاب عليكى وانتى عارفاه
ففاقد الشىء لا يعطيه يا دينا
معلش كلامى ممكن يكون رخم شويه بس كان لازم عشان الامور توضح وكل واحد ياخد باله لو كان غلط فى حق حد وعشان نفتكر ان ده بلوجر مش شات
وعلى كل فانا اكرر ان هدفنا الاول بل والاخير هو الحفاظ على هذا البلوجر وما يمثله لناولكن بشرط ان اجد مثل ما اطالب به هذا هو طلبى الوحيد
انا بقول تحياتى لكاتبه اتلك الكلمات
ولو انى كنت اتمنى استبدال كلمه تحياتى بكلمه أسفى
لان التحيات تقدم للشئ الذى يستحق
وكل تلك الاشياء لا تستحق
ورغم ذلك كله
تحياتى العميقه لكاتبه الكلمات
موافقة يا قمر وبدون مناقشات طبعا
عاشقة ضوء القمر
انا مدايقه فعلا من اللي بيحصل بجد و فاهمه كلامكم و عاشقه و دندن و سيكو.. بس عايزة اقول حاجه فاكرين لما اقترحنا فكرة ملكة الجمال انا سألت احمد علي الموضوع ده قالي الناس متحمسه و بيجهزوا و فكرنا تاني بالحكاية دي و ماحصلشي اجه تعرفوا مين بعت لاحمد الكان بيقولنا عليه..2 بس انا و احمد نفسه تصدقوا دي احمد زعل طبعا من طناش الفكرة الي كان متخيل ان حماس الناس ده هيحققها.
مش بقول اني او غيري ملام اكتر من التاني كلنا مشاركين و لوكش كمان..
فكرة اننا نتجمع مع بعض مش كلنا قال رأيه فيها بصراحه ممكن في البيت مايوفقوش علي واحده مننا مثلا او خطيبها او جوزها لأن بقي فينا مجوزين كمان ماشاء الله.. وده ممكن يحصل يعني فرصة اننا نتجمع دي كمان يشوبها بعض القلق و البعض الكثير كمان. طيب ليه مانعلشي حاجه تانيه زيها زي فكرة ملكة الجمال..
ليه مانستناش لوكش لما يرجع يمكن يكون معاه هو كمان حلول و نقدر كلنا نعمل حاجه ادعولنا بس بالخير و ان لوكش كمان يكون خير في غيابه ده و نرجع احسن من الأول
انا هضيف علي كلام جاسمين حاجه صغيره يا جماعه احمد انا عرفت انه راجع النهارده الخميس او الجمعه الحمد لله.. اكيد هيكون منتظرنا جدول اعمال كتير و ياريت بجد الكل يكون همه فعلا الحال الأحسن لينا هنا او في يمامه الأم و دماغي كمان..
واللي فيه الخير يقدمه ربنا المهم نهتم و نلم الشمل كدهلأني حاسه ان الجاي هيبقي احسن
احنا جايين نعاكس هنا ولا ايه يا عاشقه
صحيح هى قمر مقلناش حاجه بس بينك وبينها فى ناس بتغير برضه
عموما على راى عاشقه موافقين وبدون مناقشه
يا دندن
بس يارب بجد تبقى الواقفه دى بفايده يا دندن
اسفه علي الغايبه والتاخير ارجوكم سامحوني بس كان لازم اعيد حساباتي بس عندي المسال ملخبطه شويتين تلاته بس بجد بجد وحشتوني
تحياتي ايوه تحياتي بس انه نوع من التحيات ولمين ؟؟؟ اصل التحيات الوان وانواع ...في تحيات بيضه ..وفي الحمراء ...وفي الصفراء
فيا تري كل واحد منا بيرسل انه نوع ولون من التحيات ولمين بيرسلها
هاستني ردودكم
Post a Comment
<< Home