اكرهيني
اكرهيني لو كان في ذلك تنفيس لما في صدرك من غضب مني
عذبيني
عذبيني لو كانت آهاتي تجعلك تسامحيني
اجرحيني
اجرحيني لو كانت دموعي تكفر عني أخطائي
اقتليني
اقتليني ببعدك عني إن كان في بعدي عن حياتك راحة لك
افعلي كل ما تشائين
فلن أسألك عما تفعلين
لكن ستظل نظرتي الأخيرة تسألك
هل نسيتي كل الحب؟؟هل نسيتي كل الود؟؟
هل نسيتي أيام صداقتنا التي طالما حُسدنا عليها؟؟
إن أردت...فسوف أودعك بنظرة...قد تكون نظرة وداع مني
لكنها....سوف تكون لك نظرة تظل تؤلمك باقي حياتك
DONDON
اكرهيني لو كان في ذلك تنفيس لما في صدرك من غضب مني
عذبيني
عذبيني لو كانت آهاتي تجعلك تسامحيني
اجرحيني
اجرحيني لو كانت دموعي تكفر عني أخطائي
اقتليني
اقتليني ببعدك عني إن كان في بعدي عن حياتك راحة لك
افعلي كل ما تشائين
فلن أسألك عما تفعلين
لكن ستظل نظرتي الأخيرة تسألك
هل نسيتي كل الحب؟؟هل نسيتي كل الود؟؟
هل نسيتي أيام صداقتنا التي طالما حُسدنا عليها؟؟
إن أردت...فسوف أودعك بنظرة...قد تكون نظرة وداع مني
لكنها....سوف تكون لك نظرة تظل تؤلمك باقي حياتك
DONDON
posted by lockash أحمد تمام @ 10:22 AM
24 Comments:
هنا يا دندن يثور التساؤل
هل يمكن ان يتحول الحب بكل معانيه الجميلة الي قتل وتعذيب ونظرة تشق قلب الحبيب
هل يأتي يوم علي من تحبني ويذكر اسمي فاذا بهاتصرخ في وجه من قال؟
هل يمكن لحبيب ان يؤذي حبيبه بنظرة بكلمةبهمسة كما كان يدفئ مشاعره بها
فاذا حدث اي شئ مما ذكرت اسأل نفسي واسألك هل كان ذلك حباام انه سراب الحب الذي خيل الحبيبين انه حب ؟
هو صحيح انا مش بحب النهايات الحجزينه لأي حاجه
حب
صداقه
زماله
أي حاجه
لكن عشان حد يزعل من حد أوي كده لازم يكون الحد التاني جرحه اويي بردو كدخ
...سيكو
تصدقني لو أقولك ان حتي اللي انا كتبته دا لم أجرؤ علي تنفيذه
صديقتي دي سببت لي ألم
انا ما قلتش اني ما غلطتش..لكن هي ردت ع الغلط بغلط ااكبر واكبر
يمكن دا مش مجال لتفصيل وحكايات
لكن عشان انا فعلا حبيتها اوي
كلامي دا كانت نهايته انه كلام علي ورق
لأن اللي يحب يوم...عمره ما يقدر يكره يوم..عمره ما يقدر يؤذي حد حبه في يوم
...إسراء
أولا برحب بيكي هنا في بلوجرنا الصغنون ويارب تكوني معانا علي طول ان شاءالله
ثانيا
اكيد ماحدش بيحب النهايات الحزينة لاي علاقة جميلة مابين البشر
وخصوصا لما تكون اخدت من الحياة وقت طويل برضه..عمر يعني
وجملتك فكرتني بجملة مصطفي شعبان في فيلم احلام عمرنا
ماحدش بيتجرح اوي..الا اذا كان حب اوي
وانا اكيد لما كتبت الكلمات دي بقسوتها دي
كنت مجروحة اوي
صعبان عليا سنين
صعبان عليا عشرة
لو الحب ده حقيقي بره مصالح او منفعه اكيد بيفضل في الانسان و مابيتحولشي لكرهحتي لو اتقابلبغدر او اتصدم في الشخصده.ممكن ينام جوانا او يتنسي..مجازا يعني.بس لما نفتكر هتلاقي الحاجات واللحظات الحلوة هي اللي بنفتكرها يمكن نحس بغصهفي قلبنا واحنا بنفتكر ده مع النهاية المؤلمة بالنسبة لينا بس مابيكونشي ده كره بيبقي حسرة علي الوقت و العمر اللي ماكنشي ليه فايده.
اللى يعرف يحب مايعرفش يكره .واللى عرف التسامح بينسي الانتقام.واللى قلبه كبير ميعرفش القلب الاسود.ده رايي باختصار .وعلى فكرة يا دندن جملة مصطفي شعبان دى انا بحبها اوى.فاكرة لما قعدنا نفتكرها مع بعض مرة.اوعى تكونى نسيتى احسن عيب
عاشقة ضوء القمر
اكيد ما نسيتهاش ياعاشقة
ولا عمري ان شاء الله انسي اي حاجة حلوة بينا
ربنا يخلينا لبعض طول العمر
كلام حلو بس عايزة اقول حاجه قسوة الزمن ممكن تنسي قسوة البشر ممكن تأسي تغير الشيء الحلو اللي جوانا.اذا كان الراجل تحت ضغوط الحياه ممكن تسرق ممكن ينهب ممكن يخون رغم تربيته او تعليمه او اخلاقه..مش صعبه انها تغير حب او ذكري
انا مش معاكي يا يويو دي من الرات النادرة اللي نختلف فيها..والمقارنه اللي قولتيها انا شايفة انهاظالمه او مش للمشاعر والحب ..بس جوايا يقول بس ده فعلا بيحصل في زمانا القاسي ده.
ياجماعة ليه علي طول بنقول الي بيحب مبيعرفش يكره يمكن تكون الجملة دي صح لكن مع كثرة الالم والحزن بنحس بحزن عميق يمكن نتخيله كره لكنه وجع من غدر الحبيب لكن اجمل شي ان الحب الي بنحسه بجد مبيتنسيش بسرعة ولكن بندي فرص كتير لحد مالقلب مايقدرش يستحمل وساعتها بنفتكر ان ده كره لكن الخوف انه مع اول كلمات للحبيب ممكن نرجع بسرعة للحب الجميل
الطائر الحزين
وحشتوني وحشتوني وحشتوني وارجوكم تسامحوني علي الغياب انا بكون معاكم بس من بعيد بس بجد بجد وحشتوني يا ولاد الايه كل ما اغيب عنكم يزداد شوقي ليكم ولكلامكم
طيب هو ليه من الاساس يجرح جرح كبير ما هو اللي بيحب بيخاف علي مشاعر اللي بيحبه ولا ايه ؟ ؟
يبقي انا بعد ما اتجرح و اتوجع عمرى ما اسامح بكل سهوله (وكان شيئا لم يكن) صععب
CASPER
اهلا بيك ياكاسبر نورتني بجد
وسعيدة جدا انك دخلت وقريت وعلقت كمان
فعلا اللي بيحب حد لازم يخاف عليه ويخاف يجرحه
بس تعرف ساعات ممكن يحصل بين المحبين سواء كانوا احباب اصحاب او غيره
ساعات ممكن نغلط غلطات في حق بعض لكن مش بتوصل لحد الجرح
لكن للاسف في ناس بتاخد الغلط ده وبدل ما تسامح لا تكبره وتكبره وتكبره
وطبعا دا يكون سبب لألم
اللي يحب يسامح
المفروض يسامح
لانه لو سامح علي غلطة ماكانش هايوصل الامر لجرح كبير
ولا ايه؟؟
نورت يا كاسبر وان شاء الله تكون معانا على طول
عاشقة ضوء القمر
عشان دلوقتي وفي الوقت اللي احنا عايشين فيه دلوقتي اللي بيلاقي حدبيسامحه كده بيفتكر ده ضعف وكمان ممكن يتمادي في الغلط بتاعه انا ده رايي ومش هاغيره عشان انا مقتنع بيه مليون مرة وده علي فكره عن تجربه مع
واحد صاحبي بعد عشره 10سنيين
وشكرا ليكي يا عاشقه ضوء القمر
CASPER
كاسبر
انا مقدرة وفاهمة جرحك دا وليك حق ماحدش قال حاجة
بس تعرفوا يا جماعة
من اختلاف اراءنا اللي شفناه دا وممكن تلاقي كمنا كل واحد مننا عنده كذا رأي
دا دليل علي شيء وهو نسبية هذا الامر
نسبية في الموقف ومدي الألم
نسبية في القدرة علي السماح
معلش باقي الاسم وقع
dondon
كاسبر يا جامد في كلامك.. عبتني بردودك علي دندن و عاشقه.. انت بتقول حاجات حلوه..
الجرح من حبيب بيكون صعب و صعب يتنسي و صعب يتسامح فيه لأن كلامك صح ان قبل مايجرح كان لازم يعرف ان ده هيجرح كان يراعي كان يحس..
الف الف مبروك لطلبة البكلوريوس مبروك عليكم يا شمس انت ودندن والطائر وكل اللي نتيجته ظهرت الف الف مبروك ليكم يا جميلات
مبروك النجاح يا جماعه واللي لسه ماطلعتشي نتيجته ربنا يكرمه زي باقي الناس و التقديرات العاليه مش المقبول اليتيم..
اية دندن طائر شمس مبروك ليكم يا بنات وعقبال الباقي يارب ويبقي كل الناس اللي هنا وكل مكان ناجحين يارب
عاشقة ضوء القمر
الجرح والقسوة يعلمو الفرد اشياء متير من ضمنها القسوة والحزن و
الارف
والاهم ان ينسى الفرد قسوة اصدقاءه
شمس لا تغيب من حياتك ابدا
شكرا ياجماعة للناس الى باركت لى وعقبالكم جميعا عما قريب
و
و
و
وحشتينى جدا يادوادوا
وسلام مخصوص لضى وسيكو وتيتا واية
وشكرا لتنفيض الطائر الحزين لكل حاجة حلوة او وحشة
شمس لاتغيب من حياتكم ابدا
يا جماعة انا عايز اشترك في الموقع واكتب ليا ويكون ليا مشاركة
بس مش عارف ازاي اسجل نفسي ازاي
ويتنشر ليا مواضيع ازاي
ممكن حد يقولي
7azem
zooma_1988@hotmail.com
وشكرا علي القائمين علي الموقع وارجو الرد بسرعه
Post a Comment
<< Home