جيتار الناس عرفته بصوته الجميل
لكن فجأة صبح لحنه حزين
الكل قالوا للي لحن ليه لحنك غريب
قال مش هو دا لحني
اسألوا اللي عزف
سألوا اللي عزف وقالوله ليه بدلت اللحن السعيد بغيره حزين
قال كل ما اجي المس الاوتار الاقيها تترعش بين صوابعي
اضغط عليها عشان اعزف زي المكتوب الاقيها مرة تتعزف ومرة تعاكس
الكل سأل وما حدش سأل الجيتار ولا فكر فيه
اتاري الجيتار حزين
ودموع حزنه نزلت نغمات
نغمات حزينة
زاد من حزنها ضغط اللي عزف ضغطه في اه يخليها جبرا سعيدة
في حياتنا الجيتار ده موجود
دموعه نغم حزين
ولا حد بيقدر حزنه
لا والناس بيزيدوا عليه
الكل يضغط علي اوتار قلبه الحزين
هو يصرخ بآهه وهما يقولوا اضحك
ياعيني عليك يا جيتار وياعيني علي اوتارك يقطعوا فيها