حيرتو الابطال معاكم بارائكم الجامده دى.ما بين واحد عاطفى وواحد عقلى.ما بين واحد فرحان وواحد بيبكى.ما بين واحد فتح للحب طريق وواحد خاف يخوض التجربه دى.ولكل وجهه نظره اللى لازم نحترمها.
لكن الابطال بعد ما حيرتوهم كتير فى اختيار انسب الاراء ,وانا بقول انسب مش اصح,لان الاراء ليس فيها الصحيح والخاطىء لكن فيها المناسب لكل موقف وكل شخصيه.الابطال اختاروا راى جاسمين عشان يكملوا بيه القصه.ما تيجو نشوف جاسمين قالت ايه......
سوزي: مش عارفه يا سراج الموضوع مفاجأه بس انت ليه قلت ده دلوقتي؟سراج :لما عرفت الوقت المناسب و بعد التفكير لقيت اني لازم اتكلم. ايه انت ادايقتي؟سوزي:لا بس مفاجأة مش مرتبلها.سراج: و هي الحاجات دي بيترتبلها؟سوزي: لأ بس مش عارفه اقول ايه فيه حاجات كتير لازم تكون فكرت فيها وانا كمان في حاجات لازم افكر فيها الأول قبل ماعرف ارد علي الكلام ده.سراج:وانا ماقلتش تردي عليا حالا بس اعرف رأيك في كلامي و ليه حاسس ان قلبك انقبض كده لما قلتسوزي: سراج انت عارفني بحكم عقلي كتير و الموضوع ده مش بالسهوله دي و مش حاسه ان ده الوقت اللي نتكلم فيهسراج:يعني اسحب كلمتي اللي قلتها واللا اسيبها لما تفكري.سوزي: لاماتسحبهاش انا عايزاها بس عايزة وقت كمان

لم تكن الدنيا لتسع فرحه سوزى,وقلبها يرفرف طائرا الى حيث لا يراها احد ,الى غرفتها حيث ذكريات الطفوله والبراءه.
يااااه اخيرا سمعت الكلمه دى,الكلمه اللى طول عمرى مستنياها ,اخيرا حبيبى نطق وقلها,بس لا انا لازم احكم عقلى كويس عشان ما ندمش على اى حاجه بعد كده,لازم اتاكد الاول من صدق حبه ليه,ياه انتى كنتى بتحلمى باليوم ده ولما جه لسه بتفكرى ,بس هل هو فعلا بيحبنى هو كمان زى ما بحبه ولا بيقضى وقت وخلاص؟؟انا لازم اعرف قبل ما اعمل اى خطوه,انا مش حمل جرح ممكن يخسرنى حياتى كلها,لازم اتاكد من صدقه معايا صدق مشاعره,بس ازاى,لازم اعمله اختبار؟؟ لازم اجربه واتاكد من صدقه وانه مش بيلعب بيا,ولا اصدقه لانه اكيد بيحبنى زى ما انا ما بحبه,لم يكن عقل سوزى يتحمل كل ذلك ,فهى فى وضع لاتحسد عليه........ اعمل ايه.......اعمل ايه؟؟

ولم يكن وضع سراج اقل حرجا من سوزى,بل كان خوف الدنيا وتوترها يملء قلبه وعقله.كان يخاف من كلمه لا تتعدى حروفها اثنتين ولكنها كانت كفيله بان تقضى على كل احلامه واماله,انها كلمه(لا).لم يشعر قبل بمراره هذه الكلمه,هل حقا يمكن ان تاتى اللحظه التى تقف فيها حبيبته امامه لتقول له لا,لا يا سراج مش انا البنت اللى تنفعك,احنا صعب نستمر مع بعض,صعب يا سراج ارجوك انسى كل حاجه,واعتبرنى صفحه واتقفلت.
لالالا كان كلما تخيل هذه الكلمات يفيق من حلمه بل كابوسه ,لا لن ياتى هذا اليوم,لن تتخلى عنى حبيبتى,لن يقف حائل فى طريق حبنا,بس انا مينفعش اقف ساكت كده لازم اعمل حاجه,لازم اثبت لها حبى,لازم اعبرلها عن مشاعرى,بس ازاى ,ازاى انقللها حراره الحب اللى بيقتلنى,ازاى اقولها انى مش ممكن اعيش من غيرها.....ازاى.....ازاى؟؟

يبدو ان انتظار سراج لكلمه الموافقه من سوزى سيطول,فكلاهما يحمل الكثير من الاسئله التى لا يجد لها اجابه.فسوزى فى حيره ما بين الموافقه والخضوع لمبدا(القلب وما يريد) ولا تستنى شويه وتدى للعقل فرصته وتتاكد الاول من حبه ليها,ولو كده هتتاكد ازاى؟؟اما سراج فالله يكون فى عونه ,بيحاول باى طريقه انه يتجنب الكلمه القاتله له ,كلمه (لا),بس يعمل ايه عشان يثبت لها حبه,هو عارف انها بتحبه بس خايفه وعاوزه تتاكد من حبه ليها..بس يثبت ازاى؟؟
واضح ان سراج وسوزى بيفكرو فى نفس الخطوه بس اكيد كل واحد منهم ليه طريقه للوصول لهدفه,زى بالضبط ما كل واحد فيكم ليه طريقه او موقف معين يوصله للهدف المنشود.اكيد انتم مترضوش لسوزى وسراج الوضع ده وهتساعدوهم؟!.ومتنسوش ان رايكم بيعبر عن شخصيتكم فى الموقف ده.
الجزء التانى